Муниципалитетлени барында да жолла жангыртылынныкъдыла

Кёп болмай КъМР-ни Транспорт эмда жол мюлк министерствосунда «Къоркъуусуз эм качестволу автомобиль жолла» миллет проектге кёре бардырылгъан  ишлени эсеплегендиле.  Анга кёре 103 километр республикалы магъаналы  жоллагъа тынгылы ремонт этилгени, ол санда  Нальчикни тийресинде да 20 километр чакълы участок игилендирилгени сагъынылгъанды.  

Жолланы жангыртхан бла бирге кече жарытырча мадар да этиледи. Алай бла быйыл чыпынлары бла чыракъла 21 километр жерде тартылгъандыла. Саулай айтханда, 2021 жылда  миллет проектни чеклеринде  жолла  муниципалитетлени барысында да игилендирилликдиле.   

Аны бла байламлы бюгюнлюкде план жарашдырыла турады. Ремон ишлени кезиуюнде энчи участоклагъа да аслам  эс буруллукъду. Ол санда автоном халда ишлеген светофорла эм кече жарытырча электрокюч ызлада да тартыллыкъдыла.  Ишле бардырыллыкъ объектлени  уа республиканы Правительствосу белгилерикди.