Все статьи

Информационное сообщение

В соответствии с планом проведения антитеррористических учений на 2024 год, утвержденным Председателем НАК, Оперативным штабом в Кабардино-Балкарской Республике 27 марта 2024 года в Урванском муниципальном районе будут проводиться антитеррористические учения.

Бир сууну эки жагъасында

Жаз башы келгенин билдире, терезени ары жанында къайын терекге къоннган чыкъынжик энди ачыла башлагъан бутакъ къыйырланы жютю чурасы бла юзюп, жерге атады. Сора энишге тюшеди да, тёгерекге сакъ къарай, аладан бирин алып, къоз терекни бутагъына къонады.

Нальчикни эркинлиги ючюн кёп миллетлени уланлары жанларын бергендиле

«Аскер махтаулукну шахары» деген сыйлы ат Уллу Ата журт урушну жылларында душман бла къанлы сермешле баргъан, аланы кезиуюнде Ата журтубузну къоруулаучулары жигитликни, батырлыкъны юлгюсюн кёргюзтген шахарлагъа бериледи.  Быйыл а Нальчикде бу сыйлы атха тийишли кёрюлгенли  14  жыл толгъанды.   Ол жаны бла Указны РФ-ни Президенти 2010 жылда 25 мартда къабыл кёрген эди. 

Европа эм терен кёл – Къабарты-Малкъарда

2022 жылдан бери республикабызны эм ариу жерлеринден бири – Чирик кёл – Европада эм терен карст кёл болгъаны тохташдырылгъанды. Ары дери аллайгъа Хорватияны теренлиги 281 метрге жетген Къызыл кёлю саналып тургъанды.

Налог окъуулулукъдан дерсле

Федерал налог службаны «юНГа» деген Битеуроссей жарыкъландырыу проектини чеклеринде, бу ведомствону Къабарты-Малкъарда Управлениясыны специалистлери Нальчикде 6 номерли орта школну 5-6 классларында налог окъуулулукъну юсюнден дерсле бардыргъандыла, деп билдиргендиле ФНС-ни пресс-службасындан.

Сыйсыз излемледен кери болуу магъаналыды

Белгилисича, Жай Олимпиада оюнла быйыл Парижде июль-август айлада ётерикдиле. Францияны ара шахарына бу спорт байрам 100 жылдан сора къайтханды.

«Энди аллайны киши сынамасын»

Яникойчу Таппасханланы Ахматны юйюрю кёчгюнчюлюкден туугъан жерибизге биринчи къайтханладан бири болгъанды. 1956 жылда февральда 20-чы съездде Орта Азиягъа бла Къазахстаннга кёчюрюлгенле туугъан жерлерине къайтыргъа боллукъдула, деген оноу чыгъарылгъанлай, Ахмат Азнаурович юйюн, малын да сатып, 6 сабийи бла келеди.

В Урванском районе вводятся временные ограничительные меры

В соответствии с планом проведения антитеррористических учений на 2024 год, утвержденным Председателем НАК, Оперативным штабом в Кабардино-Балкарской Республике 27 марта 2024 года в Урванском муниципальном районе будут проводиться антитеррористические учения.

Жигерлиги ыcпасха тийишли болгъанды

Къадар дегенинг сейирди. Къайры элтмейди, къайры жетдирмейди. Ахшы муратла салып, бюгюн былайда турсанг, тамбла уа арталлы да сагъыш этмей тургъан жеринге жол чыгъарып къояр.

Ыспасха, хурметге да тийишли

Кеслерини билимлерин, заманларын да аямай, адамлагъа, аланы сабийлерине, жууукъ-ахлуларына болушлукъларын тийдирип тургъан врачларыбыз асламдыла, къудуретни ахшылыгъындан. Медицина илмуланы кандидаты, республикалы сабий клиника больницаны консультация-диагностика поликлиникасыны башчысы, невролог Улбашланы Асият да аллайларыбыздан бириди.

Унутуп жарамаз

Телевидение, радио неда интернет болмагъан кезиуде алгъын жаш адамла заманлары зауукълу ётерча кёп сейир оюнла къурагъандыла.  Кертиси бла да, шёндюгюлени асламы бир бирлерине тюбеселе окъуна, 10 минутдан телефонларына аралып, ансыз кеслерин къайры келишдирирге билмей тебирейдиле. Бир 20 жыл алгъа окъуна хал иги да башха эди. Сора бир ненча ёмюрню алып къарасагъ а – бютюнда.

Дарманнга жарагъан хансла

Республиканы тау жерлеринде дуния бла бир дарманнга жарагъан хансла бла битимле ёседиле. Аланы къалай хайырланыргъа керегин эмда   къайсысы не ауруугъа жарагъаныны юсюндендиле бюгюннгю билдириулерибиз.

Хайырлы байламлыкъла

Кёп болмай Дмитриий Рогачев атлы Сабий гематология, онкология эм иммунология миллет медицина тинтиу араны специалистлери Нальчикде болгъандыла. Къонакъла эм биринчи Республикалы сабий кёп профильли клиника араны жокълагъандыла.  Аны кезиуюнде службаны иши бла шагъырейленнгендиле-гематология бла онкология саусузлагъа къалай багъылгъанына эс бургъандыла.

Жангы излемлеге толусунлай келишеди

Нальчикде Головко атлы 1-чи номерли сабий поликлиникада «Саулукъ сакълау» миллет проектни биринчи болушлукъ берген бёлюмню жангыртыу» программасына кёре бюгюннгю излемлеге кёре болушлукъ тапдырылырча мадар этилгенди. Сёз уллулугъу 1600 квадрат метрге жетген юч къатлы жангы корпусну юсюнден барады. 

Алгъышлау

Къабарты-Малкъар Республиканы Башчысы К.В.Коковну Маданият ишчини кюню бла  алгъышлауу

 

Сёзню кючюне бла магъанасына тюшюне

Жыл сайын, къыш бла жаз айырылгъан кюн, 21 мартда поэзияны кюнюн саулай дунияда белгилейдиле. Ол кюн хар тилде, хар миллетде да назмула окъуйдула, сёзню кючюне бла магъанасына хурмет этедиле.

Аны жюрегин тепсеу искусство бийлегенди

Халкъыбызны арасында искусствогъа берилген, аны жашау жоругъуна салгъан, аны сайлагъан кёп ахшы да, фахмулу да инсанларыбыз бардыла. Аладан бири Тилланы Масхутну жашы Борисди. Аны республикада, Элбрус районда жашагъанла да иги таныйдыла эмда хурметлейдиле. Ол профессионал тепсеучюдю, «Балкария» фольклор-этнография къырал тепсеу ансамбльни артисти эди, бюгюнлюкде уа хореография искусстводан педагогду.

ЖЫРЫ БЛА КЪУУАНЧ ДА, ИЙНАНЫУ ДА БЕРГЕНДИ

Къарачайны, Малкъарны да жырчы къызы, КъМР-ни халкъ артисткасы Боташланы Хусейни къызы Алтууланы Зоя «Акъ баппуш», «Таукъан», «Пароходла», «Сени атынгы айта турама» деген жырланы айтып, жыр искусствобузну  ёрге кётюрген жырчыды. 

 

Казбек Коков Красногорскде ажымлы ёлгенлеге деп этилген мемориалгъа гюлле салгъанды

КъМР-ни Башчысы Казбек Коков  Подмосковьеде Красногорскде террористлени хаталарындан ажымлы ёлгенлени эсгериуге  болжаллылы халда этилген мемориалгъа гюлле салгъанды. Террористле аманлыкъчы ишлерин 22 мартда ингирликде 8 сагъатда,jболдургъандыла.

КъМР-де адамла аслам жыйылгъан мероприятияла болжаллы халда бардырыллыкъ тюйюлдюле

 КъМР-ни Башчысы Казбек Коков республикада болжаллы халда адамла аслам жыйылыгъан мероприятияла бардырыллыкъ тюйюлдюле деген оноуну этгенди.

Страницы