Тёлеу карталаны саны кёбейгендиРоссельхозбанкны Къабарты-Малкъарда бёлюмю быйыл биринчи кварталда бир минг чакълы тёлеу карта чыгъаргъанды. Хайырланыучула бегирек да VISA Instant Issue картаны жаратадыла. Финанс учреждение аллай 232-син бергенди, деп билдиргендиле аны пресс-службасындан. Саулай айтханда уа, Россельхозбанк бизни республикада 180 минг карта чыгъаргъанды. Аладан ючден бири иш хакъла тёлениучюледиле. Бу жаны бла банк 228 организацияны жумушларын жалчытады; аланы асламысы бюджет системада ишлейдиле. Дагъыда регионда 35 банкоматы эмда он электрон терминалы барды банкны. Ала асламысында сатыу-алыу аралада орнатылыпдыла. «Тёлеу карталары болгъанлагъа жумушланы качествосун иги этерге кюрешебиз. Ала ол затларын абери сатып алгъанда хайырланадыла, «Интернет-офис» эмда «Мобильный банк» сервислеге кирип, счётларын кёз туураларында тутадыла, ахчаларын сюйген жерлерине кёчюредиле», - деп белгилегенди Россельхозбанкны Къабарты-Малкъарда бёлюмюню башчысы Алим Сокуров.
Поделиться:
Читать также:
02.04.2024 - 09:15 →
Тыш къыралла эмда башха регионла бла байламлыкъла кюч ала барадыла
01.04.2024 - 08:50 →
Гитче эмда орта бизнесни магъанасы уллуду
30.03.2024 - 12:00 →
«Не къыйын кюнде да сайлауума сокъуранмагъанма»
30.03.2024 - 08:50 →
Инвестициялагъа – энчи эс
05.03.2024 - 09:28 →
Инфляция азая барады
|