Битеукоманда эсепде - ючюнчюле

Дагъыстанда юниорланы, жаш эм абадан спортчуланы араларында кикбоксингден СКФО-ну биринчилиги бла чемпионаты бардырылгъандыла. Алагъа  Чеченден, Дагъыстандан, Ингушетиядан, Къабарты-Малкъардан, Къарачай-Черкесден, Шимал Осетия-Аланиядан бла Ставрополь крайдан 800-ден аслам гёжеф къатышханды.

Эсеплеге кёре, республикабызны къаууму энчи зачётлада 11 алтын, 13 кюмюш, 12 доммакъ майдал къытхандыла, командаланы араларында уа ючюнчю жерге чыкъгъандыла. Финалистле энди Россей даражалы турнирледе сермеширикдиле: биринчилик - апрельни биринчи жарымында Кемеровада, чемпионат а ноябрьни ахырында Перьмде боллукъдула.