МЧС-ни регионда бёлюмюню келечилери «Курорт Нальчик» санаторийде солугъан сабийлеге от тюшюуге къоркъуусузлукъну юсюнден айтхандыла.

Санаторийде тургъан кезиулеринде жашчыкъла бла къызчыкъла саулукъларына бакъдырадыла, республиканы ариу жерлерине барадыла, маданияты, адет-тёрелери бла шагъырейленедиле. Алай солууну кезиуюнде да къоркъуусузлукъну юсюнден унутургъа жарамайды. Аны бла байламлы ведомствону инспекторлары алагъа жорукъланы эсгертиуню дурус кёргендиле.

Ала гитчелеге от бла, жангыз да сирнекле бла ойнау окъуна къаллай хатагъа келтирирге боллугъуну юсюнден айтхандыла, къыйын болумланы кезиуюнде, жел къаты ургъанда, кёк кюкюреп, элия уруп, жауун жаугъанда инсан кесин къалай жюрютюрге кереклисин ангылатхандыла. Ушакъны кезиуюнде быллай кезиуледе адамла къаллай халатла жибергенлерини юсюнден да билдиргендиле. Ахырында инспекторла от ёчюлтюучюле бла къалай хайырланыргъа кереклисин кёргюзтгендиле эм жарау халда эвакуацияны бардыргъандыла. 

Быллай тюбешиуледе сабийлени къоркъуусуз жашауну юсюнден билимлери ёседи, бек башы уа, ала гитчеликден кеслерине, башхалагъа да хата келтирмей турургъа юйренедиле.