Табийгъатха, адамлагъа да къоркъуу болмазчаНефтебазада, объектни къоркъуусузлугъун жалчытыуну игилендирир муратда, МЧС-ни регионда бёлюмю юйрениуле бардыргъанды. Къутхарыучула ёлчеми 1000 кубический метр болгъан резервуарда 120 квадрат метрде жаннган бензинни (жалгъан халда) ёчюлтюрге, аны тешигинден къуюла тургъан отлукъну тохтатыргъа керек эдиле. Алагъа болумгъа тюз багъа бичерге, адамланы бла техниканы ишлерин тап къураргъа, тасха ишлени бардырыргъа борч салыннганды. От ёчюлтюучюле нефтебазаны инженер-техника ишчилери бла да байламлыкъ тохташдырыргъандыла. Жалгъан от ёчюлтюлгенден сора Авария-къутхарыу эм экология операцияланы Ставропольда арасыны специалистлери, талай минутну ичинде энчи оборудованияны жайып, тёгерекге тёгюлген нефтепродуктланы кетериу бла кюрешгендиле. МЧС-ни регионда Баш управлениясыны От ёчюлтюу эм авария-къутхарыу ишлени бардырыу жаны бла бёлюмюню башчысы Анзор Кагазежев юйрениуле бегитилген планнга кёре ётдюрюлгенлерин, битеу салыннган борчла тамамланылгъанларын билдиргенди. «От ёчюлтюу службала барысы да бир бирлери байламлыкъда терк эм тынгылы ишлегенлерин белгилерге тийишлиди», - дегенди ол. Жараулагъа битеу да 72 адам къатышхандыла, 12 техника хайырланылгъанды.
Поделиться:
Читать также:
03.05.2024 - 11:00 →
Черек жагъала таза болурча
03.05.2024 - 10:50 →
Халкъ бла байламлы жумушха уллу кёллю болмайыкъ
02.05.2024 - 09:03 →
Газет тарыхны сакъларгъа себеплик этеди
26.04.2024 - 09:55 →
Газет -заманны кюзгюсюдю
26.04.2024 - 09:05 →
Бахчаларында - кезиулю ишле
|