Жемиш терекле бла жалчытыргъа хазырдылаКъабарты-Малкъарны аграрчылары башха субъектлени да терекчикле бла жалчытадыла. Алай бла былтыр бир жылны ичинде тышына бир миллион чакълысы жиберилгенди. - Къабарты-Малкъарда ахшы терекчиклени ёсдюрюрча питомник ишлейди. Ол амал тышындан багъа материалланы алыу бла байламлы къоранчладан сакълайды, аны бла бирге тыш къыраллы ёсюмлюклени алышдырыугъа да ахшы себеплик этеди. Республиканы мюлклерине орта эсеп бла алып айтханда, 3,5 миллион терекчик керек болады. Бусагъатда кесибизни питомниклерибизде уа андан эсе кёп ёсдюрюледи. Ол себепден битимлени тышына сатаргъа да онг барды,- дегенди КъМР-ни эл мюлк министри Хасан Сижажев. Саулай алып айтханда, республикада сертификатлары болгъан жемиш тереклени онбеш мюлк ёсдюрюп кюрешеди. Былтыр ала битимлени санын 4,5 миллионнга жетдиргендиле. Ол санда, башында сагъынылгъаныча, бир миллионун тышына ашыргъандыла. Министр айтханнга кёре, бу жаны бла производствону айнытыргъа таукелдиле. Ол санда быйыл тюрлю-тюрлю сортлу теркчиклени беш миллионнга жетдирир муратлыдыла. Бюгюнлюкде жетишимлени юсюнден айтханда уа, республиканы питомниклери алчы мюлклени къауумуна киргенли талай жыл болады. Быйылны эсеплерине кёре, терек бахчала 24,5 минг гектарда орнатылгъандыла. Ол санда терк айныгъанлары 18,3 минг гектарда ёседиле, аны 16,8 минг гектарында тирлик жыйылады.
Поделиться:
Читать также:
02.05.2024 - 09:03 →
Газет тарыхны сакъларгъа себеплик этеди
26.04.2024 - 16:46 →
Черек жагъала таза болурча
26.04.2024 - 09:55 →
Газет -заманны кюзгюсюдю
26.04.2024 - 09:05 →
Бахчаларында - кезиулю ишле
24.04.2024 - 16:43 →
Ангылатыу
|