Эм къыйын сермешледе – юч «доммакъ»

Республиканы кикбоксингни федерациясындан билдиргенлерине кёре, юч спортчубуз Россейни биринчилигинде жетишимли болгъандыла.

 Грозныйде Увайс Ахтаев атлы волейбол арада кикбоксингни «К 1» деген эм къыйын тюрлюсюнден Россейни биринчилиги бардырылгъанды. Къызыу сермешледе юч къызыбыз Диана Абдурахманова (48кг.), Диана Ламердонова (+60кг.) бла Елена Ржевская (70кг.) доммакъ майдалла алгъандыла. Аланы тренерле Къудайланы Алим бла Айдин Саралидзе юйретедиле.

Бир ыйыкъдан а жыйымдыкъ командабыз Анапагъа кикбоксингни «лоу-кик» тюрлюсюнде къыралны чемпионатына бла биринчилигине атланырыкъды.