Байламлыкъда ишлеуню хайырлылыгъына энчи эс бурулгъандыКъМР-ни Башчысы Казбек Коков бла Беларусь Республиканы информация министри Владимир Перцов Беларусь Республиканы эм Къабарты-Малкъарны регионларыны араларында байламлыкъла жаны бла ишчи къауумну ВКС халда кенгешин бардыргъандыла. 2022 эмда 2023 жыллада экономика, илму-техника эм маданият бёлюмледе ишлени эсеплерин сюзгендиле. Аны юсюнден КъМР-ни Башчысы Казбек Коков телеграм-каналда энчи страницасында билдиргенди. Беларусь Республикабызны ышаннгылы сатыу-алыу-экономика партнёрларындан бириди. Арт жети жылгъа тыш оборот 4 кереден асламгъа ёсгенди, экспорт а 6,4 кереге кёбейгенди, импорт – 3,4 кереге. Тёреде болгъаныча, Беларусь Республикагъа нартюхню, къылкъылыланы эм къудоруланы урлукъларын, алмаз инструментле, кабельле, картон, регуляторла, транзисторла эм башха затла жиберебиз. Бизни республикагъа Беларусьдан эл мюлк техника, аш-азыкъ, къумачла келтириледиле. Андан сора да, гуманитар байламлыкъла жаны бла келишимле да жетишимли айныйдыла. Ол иш 2024-2026 жыллагъа жумушланы планыны чеклеринде андан ары бардырыллыкъды, анга кёре, ол санда товарланы келтириу эмда сатыу-алыу ёлчемле кенгертилликдилке, маданиятда, спортда, туризмде бирлешдирилген проектле къураллыкъдыла деп белгиленеди.
Поделиться:
Читать также:
15.05.2025 - 09:00 →
Жамауат эмда маданият байламлыкъланы кючлей
04.05.2025 - 12:42 →
"Ёлюмсюз полк" онлайн амал бла бардырыллыкъды
04.05.2025 - 12:29 →
Казбек Коков къарачай халкъны Жангырыу кюню бла алгъышлагъанды
21.04.2025 - 17:04 →
«Ишигизни магъаналылыгъын ёнчелеп чыгъаргъа онг жокъду»
18.04.2025 - 22:06 →
Сёз террорчулукъгъа къажау жумушланы тамамлауну юсюнден баргъанды
| ||
