Эришиулени аллында жараула бардыргъандыла

Кёп болмай «Эльбрусское кольцо-2021» эришиулеге къатышырыкъла, ала башланнгынчы, Тырныауузда тыйгъычладан ётюу жаны бла жараула этгендиле: тауланы къыйын жоллары бла жюрюуде эм сауутладан атыуда кеслерин сынагъандыла.  

Тау жолланы ётюу эм къыйыннга саналады. Аны чеклеринде къаялагъа, тиклеге минерге, окълары бла 24 килограмм ауурлугъу болгъан окълары бла агъач орунну тюшюрюрге, 30-35 градус тикледе 25 метрге гранатаны сызаргъа, отунну эмда тозурагъан кёпюрню юсю бла череклени ётерге тюшеди. Солдатла буйрукъланы толу обмундированияда, къолларында сауутлары бла тамамларгъа борчлудула.

РФ-ни Къоруулау министерствосуну сайтында билдиргенлерича, конкурсну аллында жараулагъа Россейден, Къытайдан, Узбекистандан, Индиядан, Пакистандан, Къазахстандан, Армениядан, Абхазиядан эм Юг Осетиядан аскер альпинистле къатышхандыла. Ала акклиматизацияны ётгендиле, тау жолла бла шагъырейленнгендиле, ол санда къыйын болумда биринчи болушлукъ тапдырыргъа да юйреннгендиле.        

22 августда уа, хар замандача, Терс-Къолда къууанч халда Халкъла аралы аскер оюнланы ачылыуу болгъанды. Ол 4 сентябрьге дери барлыкъды.