Колледж омакъ боллукъду

Кёп болмай КъМР-ни Жарыкъландырыу, илму эмда жаш тёлюню ишлери жаны бла министри Анзор Езаов, Тырныауузда Элбрусну регион колледжинде болуп, тынгылы ремонт ишле къалай баргъанлары бла шагъырейленнгенди.

Учреждение «Билим бериу» миллет проектни чеклеринде бардырылгъан «Жаш профессионалла» деген федерал конкурсда хорлап 13 миллион сом чакълы грантха тийишли болгъанды. Андан 10 900 миллион сом федерал бюджетден бёлюннгенди, республикада да кесинден 3,7 миллион сом къошханды.

Ахча быйыл мастерскойланы жангы мюлк-техника бла жалчытыргъа къоратыллыкъды. Алада эм гитчеледен башлап уллу классланы келечилерине дери тюрлю-тюрлю усталыкъладан юйретирикдиле.

Подряд организацияны келечилери мектепде терезелени алышып, инженер коммуникацияланы да тартып бошагъандыла. Бюгюнлюкде уа объектни ичинде сюртюу-бояу ишле барадыла.