Ток баргъан чыпынлагъа хата жетмезча

Кёп болмай «Россети Северный Кавказ# Каббалкэнерго» компанияны келечилери  Черек, Лескен, Зольск эм Бахсан районлада ток чыбыкъ тартылгъан  бетон чыпынлада эркинликсиз  волоконно-оптика Интернет ызланы, реклама конструкцияланы, кече жарытхан приборланы, камераланы эм башха затланы да кетерирча рейд бардыргъандыла.

Аны чеклеринде 2,8 минг Интернет точка, 9 камера, 2 къычыртыучу устройство эм 30 аслам реклама щит   кетерилгенди. Техника жаны бла бузукълукъ этгенлерине эмда келишимсиз чыбыкъла тартханларына Интернет бла жалчытхан тёрт провайдерге билдириу этилгенди. Тинтилген шартла бла байламлы   ич ишлени келечилерине электрокюч компанияны мюлкюне хата   жетдирилгенине  материалла берилгендиле.  Жарсыугъа, ишлени кезиуюнде къоркъуусузлукъ сакъланырча   абонентлени артыкъ кере токларын ючкюлтюрге тюшгенди.
⠀
Эсге сала айтсакъ, ток баргъан чыпынлада эркинликсиз тагъылгъан абериле   монтёрлагъа тийишли ишлени бардырыргъа уллу чырмау саладыла. Аны бла бирге энергокюч объектлеге жууукълашхан  къоркъуулу болгъанын да   унутургъа жарамайды.