|
Жангылыкъла
27 октября, 2021 - 16:09
Федерал жол Агентствону башчысы Роман Новиков кёп болмай СКФО-гъа келгенди. Пятигорскеде болгъан кезиуюнде, ол регионланы башчылары бла тюбешип, аланы жоллагъа къарагъан «Кавказ» Управленияны жангы таматасы Александр Лукашук бла танышдыргъанды. Ызы бла кенгеш бардырып, Ставрополь крайда, Къабарты-Малкъарда эмда Къарачай-Черкессияда жолланы айнытыуну юсюнден сёлешгенди.
26 октября, 2021 - 20:00
Бу кюнледе Страсбургда Европа Советни жер-жерли эмда регион властьларыны конгрессини 41-чи пленар сессиясы барады. Анга Россей Федерацияны делегациясы, ол санда КъМР-ни Парламентини Председатели Татьяна Егорова да, къатышадыла.
25 октября, 2021 - 11:17
Озгъан ыйыкъда Россейде Халкъны санын жазыу кампания башланнганды. Бу жол ол алгъыннгыладан иги да башхады эм кёплеге бу жумушну кеслерини телефонларындан окъуна тындырыргъа онг береди.
25 октября, 2021 - 11:15
Огъары Жемтала элни орта школунда, ата-аналаны жыйып, Интернетден чыгъаргъа боллукъ къоркъуулу кезиулени сюзюу бардырылгъанды. Ол тюбешиуге Черек районну билим бериу эм жаш тёлюню ишлери жаны бла управлениясыны таматасы Безюланы Ахмат, РФ-ни Ич ишле министерствосуну Черек райондагъы ОМВД-ны таматасыны орунбасары Аслан Озермегов эм дагъыда башха жууаплы структураланы келечилери къатышхандыла.
25 октября, 2021 - 11:14
Озгъан ыйыкъда Чегем районну администрациясыны башчысы Юра Борсов эллени таматалары эм тийишли структураланы келечилери бла тюбешгенди. Анда районда COVID-19 бла байламлы эпидемиология болумну сюзгендиле.
21 октября, 2021 - 18:15
Огъары эмда Тёбен Курп эллеге элтген жолгъа ремонт барады. Аны узунлугъу алты километр чакълыды. Жангыртыу ишле «Къоркъуусузлу эмда тап автомашина жолла» деген миллет проектни хайырындан бардырыладыла, деп билдиргендиле КъМР-ни Транспорт эмда жол мюлк министерствосундан.
21 октября, 2021 - 18:13
Быйылгъы кюз жауунлу болгъанына да къарамай, аграрийле кюзлюклени урлукъларын себиу ишни андан ары бардырадыла. Республиканы Эл мюлк министерствосундан билдиргенлерине кёре, быйыл кюзлюкле ёсдюрюллюк сабанланы ёлчеми былтырдан башха боллукъ тюйюлдю – ол 73,2 минг гектарды. Ол санда кюзлюк будай – 57630, арпа – 9036, рапс – 5530 эмда горчица – 1000 гектарны аллыкъдыла.
18 октября, 2021 - 11:25
Хурметли окъуучула, сиз барыгъыз да билгенигизча, алгъаракъладан бери «Заман» газетни Инстаграмда официальный страницасы gazeta_zaman тири бардырылады. Басма изданияда чыкъгъан материалларыбыз, суратла асламлагъа кенг белгили болурча, анда да тохтамай кёргюзтюлгенлей турадыла.
18 октября, 2021 - 11:07
Нальчикде Гюллени тёрели фестивалы шабат эм ыйых кюнледе Келишиулюкню майданында бардырылгъанды. Анда гюлле, къургъакъсытылгъан гюл къысымла, юйде эм бахчада ёсдюрюлген битимле, эсде къаллыкъ саугъачыкъла сатып алыргъа, тюрлю-тюрлю гюллени аллында суратха тюшерге онг болгъанды.
18 октября, 2021 - 10:47
Россейни Къырал баш экспертиза управлениясы жылны узуну ишлеген «Эльбрус» турист-рекреация комплексде сегиз жангы тау-лыжа трасса салыргъа эркинлик бергенди. Аны юсюнден ведомствону сайтында билдириледи.
Страницы
|