Болумну сюзгендиле

Озгъан ыйыкъда Чегем районну администрациясыны башчысы Юра Борсов эллени таматалары эм тийишли структураланы келечилери бла тюбешгенди. Анда районда COVID-19 бла байламлы эпидемиология болумну сюзгендиле.

Ол чертгенине кёре, бюгюнлюкде районда жаланда 13 минг адам ётгенди вакцинацияны. Ол а саулайда бу тийреде жашагъанланы 45 процентин тутады. Район таматаны оюмуна кёре, ол керюмдю коллектив иммунитет къуралыр ючюн иги да азды.

- Шёндю прививочный пунктла битеу элледе да ишлейдиле эм керек дарманла бла жалчытылыныпдыла. Эл башчыла уа халкъны арасында ангылатыу ишни тирирек бардырыргъа керекдиле, - деп белгилегенди ол.

Дагъыда кенгешде Роспотребнадзорну жорукъларын толтуруугъа да энчи эс бёлюрге кереклисини юсюнден да айтылгъанды.

Таппасханланы Аминат.
Поделиться: