Жууукъ заманда сегиз тау-лыжа трасса ишленирикдиРоссейни Къырал баш экспертиза управлениясы жылны узуну ишлеген «Эльбрус» турист-рекреация комплексде сегиз жангы тау-лыжа трасса салыргъа эркинлик бергенди. Аны юсюнден ведомствону сайтында билдириледи. Бюгюнлюкде курортда тау-лыжа спортну сюйгенлеге 15,4 километр трасса эм 7 канат жол барды. Болсада жыл сайын солугъанланы санына танг къошула баргъаны ючюн, ала ахлыкъ этедиле. Ол себепден алгъаракълада мында эки канат жол ишлерге эркинлик берилген эди. - Жангы тау-лыжа трассаланы къурулушу эки кесекден къураллыкъды. Биринчи кезиуде ЕР5, ЕР14 «къызыл» трассала бла 1,5 километрге жетген эм узун «кёксюл» жол салынырыкъды. Ызы бла беш трасса тартыллыкъды – узунлугъу 1,3 километрге жетген эм къыйын «къара» ЕР12 жол, 347 эм 1,1-километрлик ЕР11 эм ЕР11.2 «къызыл» жолла. Хар ким да учарча 452 эм 158-метрлик ЕР8 эм ЕР7 «жашил» трассала. Жолланы къар юзюлюрге къоркъуулу жерлеринде энчи аула тартыллыкъдыла. Ишлени бардырыргъа ахчаны «Шимал Кавказны курортлары» биригиу кеси бюджетинден тёлерикди.
Поделиться:
Читать также:
17.04.2024 - 18:06 →
Мошенники звонят от имени Центробанка. Как их распознать?
15.04.2024 - 08:58 →
Жазылыу башланнганды, почтагъа барыргъа унутмагъыз!
15.04.2024 - 08:36 →
Бютюн зауукълу солурча
12.04.2024 - 09:58 →
Мектепни ток бла жалчытхандыла
11.04.2024 - 10:01 →
Саулукъларын кючлер хыйсапда
|