|
|
Все статьи
27 августа, 2022 - 12:00
Бу кюнледе Къабарты орамда «Периметр» чыгъармачылыкъ майданда «Жаш адамла табийгъатны сакълауда» деген акция бардырылгъанды. Аны къурагъан Батырбекланы Джамиля косметолог нёгерлерин косметикаларындан къалгъан-къулгъанланы башха-башха жыяргъа чакъыргъан эди. Анга «Экологистика», шахарны айнытыуну «Платформа Нальчик» институту, «Деловая Россия» жамауат организация себеплик этгендиле.
27 августа, 2022 - 09:35
Бахсан эм аны къатындагъы ауузла жангыз да туристлеге бла экскурсантлагъа сейир тюйюлдюле. Тау жерлени кинематографистле да сюйюп сайлайдыла. Мында жанрларына, сценарийлерине кёре талай кинолента алдырылгъанды. Аланы кёбюсюнде, сёзсюз, Европаны эм бийик тауу Элбрус, къая тикле, жомакълы табийгъат суратланадыла.
27 августа, 2022 - 09:06
Минги тауда бардырылгъан «Таза тау» тёрели акция быйыл уллу экология фестиваль халда ётгенди. Тау этеклени кир-кипчикден ариулагъандан сора да, анда экинчи кере жарашдырыргъа жараулу затланы башха-башха жыйыу жаны бла мастер-классла, экологияны сакълаугъа жораланнган лекцияла, «ишчи» оюн къуралгъандыла.
27 августа, 2022 - 09:05
КъМР-ни Къырал саугъасыны лауреаты Занкишиланы Ибрагим малкъар маданиятда энчи жер алады. Ол фахмулу суратчы болгъаны бла чекленмей, халкъ адамыды, акъылманды. Ибрагимге акъыл сёз излей, жашауда бола тургъан затланы юсюнден энчи оюмун сурай кёпле келедиле. Занкиши улу республикабызны, Нальчик шахарны да бек белгили адамларындан бириди. Кёрмючлерин жамауат ашыгъып сакълайды, нек дегенде аланы хар бири – акъылманны сурат халлы сагъышларыдыла. Биз терк-терк тюбешебиз Ибрагим бла. Бюгюн аллай бир ушакъларыбыздан юзюкню басмалайбыз.
26 августа, 2022 - 18:46
Миллет музейде Къабарты – Малкъарны Суратчыларыны биригиую къурап, «Кюз – 2022» деген тёрели кёрмюч ачылгъанды.Анда жюзден артыкъ иш барды. Бояулу суратла, кийиз, чеканка, эмаль, агъачдан, темирден этилген затла – барысы да къараучуланы сейирсиндиргендиле.
26 августа, 2022 - 15:36
«Эльбрусиада-2022» фестивальны ётдюрюуню чегинде къыйын хауа болумлада 4700 метр бийикликде радиомаякны сынау болгъанды. Ол ачыгъан адамны къайда тургъанын беш метр радиусда кёргюзтеди, билдириуню уа КОСПАС-САРСАТ халкъла аралы координация ара МЧС-ни регионда бёлюмюне оналты минутну ичинде иеди.
26 августа, 2022 - 13:52
Билдиргенибизча, бюгюнлюкде спортну жай тюрлюлеринден Битеуроссей спартакиадала ётедиле. Алада дзюдочу жашыбыз Мисирланы Исмайыл бла Локияланы Жамболат жетишимли болуп, бизни «алтын» эм «кюмюш» бла къууандыргъандыла. Орта кюнню ингиринде уа Къазан шахардан энтта да бир иги хапар келгенди. Арт жыллада атын иги бла айтдыра келген гёжефибиз Россейни эки кере чемпиону Шауаланы Малик эришиулени финалына чыкъгъанды.
26 августа, 2022 - 12:50
РФ-ни ФСБ-сыны КъМР-де Управлениясыны келечилери МВД-ны сотрудниклери бла бирге экономика жаны бла бузукълукъланы ачыкълар хыйсап бла бардыргъан оператив-излеу ишлени кезиуюнде коммерция организацияладан бирини таматасы бюджетден аслам ахча урлагъанын ачыкълагъандыла.
26 августа, 2022 - 11:26
Белгили штангачы Хаджи-Мурат Тырныауузда 1985 жылны 27 мартында Аккайланы Магометни бла Фатиманы юйюрлеринде туугъанды. Спорт бла кюрешип гитчелигинден башлагъанды – беш жылында атасы аны спорт секциягъа элтгенди. Хаджи-Мурат жюзюуден башлагъанды, артда боксдан, каратеден жарау этгенди. Штанганы уа умутландыргъан гёжеф онбир жылында алгъанды эм, спортну бу тюрлюсю анга жуукъ болгъанын ангылап, кесин саулай да анга жоралагъанды. Аллах берген фахму, къадалып кюрешиу, ахшы тренерлени къолуна тюшгени - спортчуну жетишимлилигини мурдорудула. Битеу бу шартла Аккай улуну халисинде болгъандыла.
25 августа, 2022 - 18:40
Республикабызны устазларыны август кенгешлери, тёреде болуучусуча, окъуу жылны аллында къуралып озгъанды. Ол быйыл алгъынча, жаланда бир кюнню ичинде жыйылыу болуп, анда докладлагъа тынгылау бла чекленип къалмагъанын да белгилерчады.
25 августа, 2022 - 18:38
Бусагъатда семизликден къыйналгъанла, арыкъ болургъа кюрешгенле кёпдюле, ала барысы да диетала тутаргъа кюрешедиле. Алай бир – бирде ол диеталаны хаталарындан больницагъа окъуна тюшедиле. Саулукъну бузмай, артыкъ килограммланы къалай кетерирге боллукъду? Аны юсюнден Санкт – Петербургда 42чи номерли больницаны участка терапевти Сардиянланы Азамат айтханды:
25 августа, 2022 - 15:29
Назраньда самбодан жашланы араларында «Кубок Чингиз» деген аты бла битеуроссей эришиу къуралгъанды, анга бизни республикадан Бахсанны спорт школуну келечилери къатышхандыла. Ала, алты алтын, тёрт кюмюш эм он доммакъ майдал къытып, битеукоманда эсепде биринчи жерни алгъандыла.
Кеслерини ауурлукъ къауумларында Мухамед Жиляев, Къудайланы Ислам бла Беслан, Темирлан Каншоев, Темирлан Кочесоков, Кантемир Лотоков хорлагъандыла, хорламгъа итиниулюгю ючюн энчи саугъагъа Муса Бесланеев тийишли болгъанды. Спортчуланы тренерле Мурат Пченашев бла Султан Карамышев юйретедиле.
25 августа, 2022 - 13:02
Шауурдатдан къарап Чайнашкыны ол жагъасындан эки жюз атлам ёргеракъда Губус таш кёрюнеди. Ол тёртгюлдю, къаралдымды. Аны иги кесеги жерге кирипди. Ортасында юч челек суу сыйыннган чунгуру барды. Не жаз, не къыш , къургъакъ, жауунлу заманда да таш къууушда суу таркъаймайды. Сууну бети селю да этмейди, агъып тёгюлюп да турмайды. Татыуу мыстыракъды. Аны къатында къанатлыла кёрюнмейдиле, алайгъа къурт-къумурсха да сюркелмейди. Сууну бети жарыкъды, теренлиди бир къарышды.
25 августа, 2022 - 13:00
Нальчикни Дубки тийресинде 5-чи номерли «Кюнчюк» сабий садны мекямы кёп жылладан бери да тарлыкъ этип тура эди. Эки жыл мындан алгъа уа анга къошакъ мекям ишленип башланнган эди да, быйыл толусунлай хайырланылыргъа берилгенди. Аны отоулары жарыкъдыла, жылыдыла. Юйню ичинде уа къабыргъалада тюрлю-тюрлю жомакъланы жигитлерини суратлары кёзню къууандырадыла. Мен ары баргъан кюн бир къауум тиширыу клумбаланы тёгереклеринде ташларына тюрсюнлю бояула жагъа, эр кишиле уа тёммекчиклени кесип, аладан столчукъла, шинтикчикле жарашдыра тура эдиле.
25 августа, 2022 - 09:05
Омск областьдан жетижыллыкъ Коля Кругляченко устазларын, тенглерин да кесини айтхылыкъ фахмусу бла сейирсиндиргенлей турады: темирден ишленнген затла аны чархына тюз да жабышдырылгъанча «къатып» къаладыла.
25 августа, 2022 - 08:33
Кёп болмай «Таврида.АРТ» фестивальны баш сахнасында кавказ тепсеулени номеринден къуралгъан батлда миллет кийимлени, маданиятны эм тепсеулени энчиликлери бла шагъырейленирге онг табылгъанды. Анга Россейни жети регионундан: Къабарты-Малкъардан, Къарачай-Черкесден, Дагъыстандан, Ингушетиядан, Шимал Осетиядан эм Чеченден коллективле эм энчи тепсеучюледен жюзге жууукъ адам къатышханды.
24 августа, 2022 - 14:13
Тинтиучюле чайны, кофени, какаону бла сууну хайырлылыкъларын тенглешдирип кёргендиле. «Узакъ ёмюрлюкге кофеден игиси жокъду!» - экспертлени бир къаууму. «Угьай, жашил чай ичгенле кёбюрек жашайдыла», -деп тохтагъандыла башхала. «Къара чайны саулукьгьа хайыры асламыракъ боллукьду»,- деп ийнандырыргъа кюрешедиле ючюнчюле.
24 августа, 2022 - 13:53
ВСУ Антоновский кёпюрню ётюп баргъан россейли аскерчилени атдыргъандыла деген ётюрюк хапарны Украинаны асламлы информация органлары эм Ич ишле министерствону кенгешчиси Антон Геращенко кенг жайгъандыла, деп билдиреди Войнасфейками.рф деген телеграмм-канал.
24 августа, 2022 - 13:36
Юг Уралда «парижчиле» жашайдыла. Ала француз тилни билмейдиле, жылны алты айында уа уюкъла киедиле. Алай, аланы эллерини аты Париж болгъаны себепли, ала парижчиледиле!
Страницы
|
