|
|
Все статьи
4 сентября, 2022 - 09:05
1937-1938 жыллада энчи комиссия, Нальчикни коммунист жаш тёлю школунда ишлеген Антонина Калмыкова бла композитор Александр Покровский башчыла болуп, жаш фахмула излей, эллеге айланнгандыла.
3 сентября, 2022 - 12:00
Орта кюн КъМКъУ-ну аллында, шёндюгюлю излемлеге кёре тапландырылгъан скверде, Нальчик шахарны администрациясы бла вуз къурап, Украинада бардырылгъан энчи операциягъа болушлукъгъа деп, жаш тёлюню къатышыуу бла митинг ётгенди.
3 сентября, 2022 - 09:05
2004 жылны сентябрь айы Шимал Осетияны бир гитче шахарыны, аны къой, саулай Россейни да жашауун тюрлендиргенди.
2 сентября, 2022 - 17:05
Бу кюнледе Нальчикни ара библиотекасыны Къулий Къайсын орамдагъы бёлюмюнде Кавказны жазыучуларыны клубуну Къабарты-Малкъарда бёлюмюнде кезиулю жыйылыу къуралгъанды. Бу жол анда къабартылы жазыучу, назмучу Марианна Марушеваны чыгъармаларыны юсюнден баргъанды сёз.
2 сентября, 2022 - 16:39
Черкесскде «Юбилейный» спорт арада тхэквондону WTF тюрлюсюнден «Россейни тхэквондодан союзуну президентини кубогу» деген аты бла халкъла аралы эришиу бардырылгъанды. Даражалы турнирге къыралыбызны 45 регионундан, Белоруссиядан, Армениядан бла Къазахстандан 600-ден аслам юниор, абадан спортчу эм сакъатлыкълары болгъан атлетле къатышхандыла.
2 сентября, 2022 - 16:02
«Единая Россия» партияны халкъ программасына 80 жангычылыкъ хазырланнганды. Ала билим бериу, саулукъ сакълау, къурулуш, ЖКХ эмда Донбассны республикаларына эмда азатланнган тийрелеге болушлукъ этиу бла байламлыдыла. Аланы «Единая Россияны» халкъ программасына тюзетиуле хазырлау жаны бла ишчи къауумну жыйылыуунда сюзгендиле.
2 сентября, 2022 - 15:57
Малны сойгьанда таулула аны бир затын да зыраф этмегендиле, деп жазгъанды 2007 жылда басмалагъан материалларындан биринде Толгъурланы Бекмырза. Дарман ашларыбызны юсюнден аны кёп башха оюмларын бир кесек къысхартып беребиз, окъуучуларыбызгъа да сейир кёрюнюрле унутула баргъан ол затларыбыз деп.
2 сентября, 2022 - 14:37
Биринчи сентябрьде республикабызны школларына онбеш минг чакълы сабий биринчи класслагъа келгендиле. Нальчикни жетинчи номерли мектебине уа – 150 жашчыкъ бла къызчыкъ.
2 сентября, 2022 - 14:34
Билимни кюнюн Долинскдеги 8-чи номерли мектеп, тёреде болуучусуча, назмула, жырла эмда тепсеуле бла белгилегендиле. Биринчи классха келгенлеге уа бютюн жарыкъ тюбегендиле. Ала юч класс боладыла – 85 жашчыкъ бла къызчыкъ. Аланы къолларында тюрсюнлю шарла, гюлле да бардыла. Сабийле омакъдыла, жарыкъдыла.
Окъуу юйню директору Геккиланы Далхатны къызы Зарема байрамгъа келгенлени Билимни кюню эмда Къабарты-Малкъарны 100-жыллыгъы бла алгъышлагъанды, окъуучулагъа насийхат сёзле айтханды, устазлагъа ишлеринде жетишимли болурларын тежегенди.
2 сентября, 2022 - 12:05
Кёп болмай Регионнга оноу этиу арада КъМР-ни энергетика, тарифле эмда жашау журтлагъа надзор этиу жаны бла къырал комитетини таматасыны къуллугъун толтургъан Алим Макуашев бла тюзюнлей эфир болгъанды.
2 сентября, 2022 - 09:05
Эркинликсиз школланы аш-суу бла жалчытхандыла
Къабарты-Малкъарда УФСБ-ны бла МВД –ны Зольск районда следствие бёлюмюню келечилери беш жылны ичинде школну аш-суу бла эркинликсиз жалчытхан экеуленни тутхандыла.
2 сентября, 2022 - 09:05
РФ-ни Пенсия фондуну Къабарты-Малкъарда бёлюмюнден билдиргенлерича, арт заманда тюрлю-тюрлю адамла бла организацияла аналыкъ капиталны иелерине аны ахча халда алыргъа неда энчи хакъгъа анга документлени хазырларгъа «болушханлары» бла байламлы болумла аслам чыгъа башлагъандыла. Аманлыкъчыла аны бла да чекленмейдиле. Аланы телефон бла сёлешип республиканы къалайына да консультация алыр ючюн чакъырыргъа боллукъду.
1 сентября, 2022 - 12:05
Макытланы Аскербийни къызы Къонакъланы Любаны аты билим бериуде ишлегенлеге эрттеден белгилиди. Ишине кёре, булунгучу къызгъа берилген сыйгъа, намысха да сейир этерча тюйюлдю.
1 сентября, 2022 - 09:05
РФ-ни эм КъМР-ни халкъ артисти, КъМАССР-ни Къырал саугъасыны лауреаты Кучукланы Шабазны жашы Магомет миллет ийнагъы эди. Совет власть тау элде ёсген жашчыкъгъа ара шахарда окъурча саугъа этгенди.
31 августа, 2022 - 16:41
Къазийланы Фатимат, Холамханланы Хакимни къызы, Къашхатауну район больницасыны сабий бёлюмюнде уруннганлы къыркъ тёрт жылдан атлагъанды. Ол бийик категориялы медсестрады. Ишин тынгылы билген, анга кертичилей къалгъан адамды. «Жангыдан сайларгъа тюшсе эди, энтта да бу усталыкъны айырлыкъ эдим. Анча заманны ичинде не бек къыйналгъан кезиуюмде да сокъуранмагъанма. Башха усталыкъгъа кесими келишдиралмазлыкъ сунама»,-дейди.
31 августа, 2022 - 13:20
Жангы окъуу жылны аллында Прохладна районну от ёчюлтюучюлери «Окъуугъа барыргъа болуш!» деген акцияны бардыргъандыла.
31 августа, 2022 - 13:02
Россельхозбанк эл жерледе жашау журтла бла болумну игилендирирге жылгъа 3,25 процент ставка бла ёнкючге заявкаланы жангыртханды. Программа Эл мюлк министерстводан субсидия бёлюннгенден сора ишлеп башлагъанды. Аны юсюнден бизге финанс учрежденияны пресс-службасындан билдиргендиле.
31 августа, 2022 - 13:01
Чегем район Къабарты-Малкъарны Къыраллыгъыны бла Билимни кюнюне жангы социал объектлени ачылыуу бла тюберикди,- деп билдириледи муниципалитетни администрациясыны пресс-службасындан.
31 августа, 2022 - 12:02
Бу кюнледе юбилейин Элбрус районну халкъны социал жумушларын жалчытыу комплексли арасыны социал-турмуш бёлюмюню башчысы, республиканы Парламентини депутаты, Коммунист партияны жер-жерли бёлюмюню биринчи секретары Хасаитланы Лиза Локмановна белгилегенди.
31 августа, 2022 - 11:44
Жангы окъуу жылны аллында РФ-ни МЧС-ни КъМР-да Баш управлениясыны надзор эм профилактика управлениясыны къуллукъчулары республиканы билим бериу учрежденияларында тинтиу ишле бла болгъандыла.
Страницы
|
