Все статьи

«Ана тилим – жаным-тиним»

КъМР-ни маданиятыны сыйлы къуллукъчусу, жазыучу Жолабланы Алийни жашы Юзейир малкъар адабиятда, билим бериуде да эслерча ыз къойгъанды.

Жууаплылыкъ эм окъуулулукъ – аны баш ышанлары

Къыралыбызны айырмалы вузларында окъуп, кеслерини хунерлиликлери, итиниулюклери бла да жетишимли бола келген жашларыбыз бла къызларыбыз аз тюйюлдюле, къудуретни ахшылыгъындан.

Украинлыла Днепр сууда кёпюрню атдыргъандыла

Украинаны Сауутланнган кючлери Херсон областьда Днепрде кёпюрню атдыргъандыла, аны хатасындан россейли аскерчилени жалчытыу тохтарыкъды эм энчи операция да тыйыллыкъды, деп билдиредиле украинлы асламлы информация органла. Аны юсюнден войнасфейками.рф телеграм-канал жазады.

Тузну мардадан оздуруу – гипертонияны сылтауу

Саулукъ сакълауну битеудуния организациясы (ВОЗ) инсультланы бла инфарктланы саны ёсюп баргъаныны юсюнден къайгъы эртте этип башлагъанды. Жюрек къарыусузлукъгъа гипертония келтиреди, аны баш сылтауу уа тузну мардадан оздуруп ашауду. 

«Ала ишлерин жюреклери бла сюйген, тюзлюкню неден да бийикде тутхан профессионалла эдиле»

КъМР-ни прокуратурасы къуралгъанлы 100 жыл толгъанды. 1922 жылда 25 июльда РСФСР-ни коммунист партиясыны областьда комитетини оноуу бла КъМАО-да   прокуратура къуралгъанды. Бу байрам бла надзор ведомствода ишлегенлени бла аны ветеранларын Николай Хабаров алгъышлагъанды:

Къоркъуулу ауруудан кесигизни сакъларгъа кюрешигиз

Жыл сайын 28 июльда кёп къыраллада Гепатитге къажаулукъну битеудуния кюнюн белгилейдиле. Бу кюнде ВОЗ медиклеге жарыкъландырыу акцияла бардырыргъа, адамлагъа вируслу гепатитни, ол къаллай ауруулагъа келтиргенини юсюнден айтыргъа чакъырады. Профилактика жумушла: диагностика, вакцинация да бек уллу магъананы тутадыла.

Бузукълукъ этгенлеге - къаты эсгертиуле

Россельхознадзорну Шимал Кавказда регионла аралы бёлюмюню специалистлери ветеринария жаны бла «Меркурий» деген къырал системада информацияны сюзген кезиуде бизни республикада талай бузукълукъ тапхандыла. Сёз ючюн, Шегебахова А. А. энчи предпринимательни ол системада бёлюмюнде Шагебахов М. Х. деген биреу, анга эркинлиги да болмай, юйде этилген къаймакъгъа 172 электрон ветеринар документ жарашдыргъанды. Энтта да бир предприниматель (Шомахова А. С.) кесине продукция келгенини юсюнден билдирген 790 документни системада кёргюзтмей къойгъанды.

Энергетиклени ишде ачымазгъа юйретедиле

«Россети Шимал Кавказ» компанияны бизни республикада бёлюмюнде – «Каббалкэнерго» предприятияда «Vizion Zero» концепцияны сингдириу тренингле башланнгандыла. Аны чеклеринде специалистлени ишде ачымазча тийишли жорукълагъа юйретедиле.

Къызчыкъ зауукълу солуп, даражалы дипломгъа да тийишли болгъанды

«Моя провинция» журналист фестивальгъа къатышып, Нальчикге бла Къабарты-Малкъаргъа ыразылыгъын билдиргенледен бири Богородск шахарны телеканалында ишлеген Анна Сычёвады. Биргесине жолоучулукъгъа ол къызчыгъы Евангелинаны  да алгъан эди.  

Жашау кертиликни таза шауданы

Адам улу ёмюрледен бери да суратлау сёзню айта, аны бла кесине тынгылата билгенлени багъалагъанды, хурметлегенди. Алай кючлюдю аны ич магъанасы. Къудурет аллай фахму бергенликге, аны ёсдюрюп, айнытып, ол халкъына да жарап турурча эталгъанла кёп болмайдыла. Аллай даражагъа жетгенле уа энчидиле эм хурметге тийишлидиле.

«Телемеханикада» ишни айнытыргъа таукелдиле

«Телемеханика» предприятие ишин андан ары айныта барады. Тёрели продукциясын чыгъарыу бла чекленип къалмай, анда энди лифтле да жыйып башларгъа оноу этгендиле. Ол умутда Тюркден DERYA ASANSOR компанияны технологияларын эмда лицензиясын хайырланыргъа сюедиле, жууукъ кезиуде аны бла келишим этерге таукелдиле, дегендиле республиканы Промышленность, энергетика эм сатыу-алыу министерствосунда.

Ол аллай жарыкъ, билимли жаш эди

Хаммаланы (Баразбийланы) Назирни жашы Борис – миллетибизни аламат адамларындан бири - 1954 жылда кёчгюнчюлюкде туугъан эди. Аны сабийлиги да кесини тёлюсюне тийишлиликде ётгенди. Атасы Назир, анасы Къулбайланы Тамара, къарт атасы Алибий, ыннасы Айшат туугъан жерлерине, сюйген эллерине къайтып, юй-журт къураргъа киришгендиле. Элде ёсген башха сабийлеча, Борис да кёп жумушха жарагъанды. Атасы Назир больницада ишлегени себепли, юйде врачланы, ауругъанланы юслеринден кёп айтыла болур эди, Борис врач болургъа, адамлагъа багъаргъа, эс тапдырыргъа сюйгенди.

Кеслери иш къурагъанланы онгдурургъа дейдиле

Кеслери алларына иш къурап къармашханланы онгдурур умутда КъМР-ни Экономиканы айнытыу министерствосу сынам халда онлайн-акция бардырып башлагъанды.

Херсон тийрелеринде россейли аскерчиле тутмакъгъа тюшгендиле

Херсон шахаргъа баргъан жерледе эки мингнге жууукъ россейли аскерчини украинлыла тёгереклеринден алып тутмакъ этгендиле деп, ётюрюк хапарланы Украинаны телеграм-каналлары билдиргендиле. Аны юсюнден войнасфейками.рф сайт жазады.

«Бизни Ата журтубузгъа сюймеклик, адамлагъа къайгъырыулукъ бирикдиредиле»

«Единая Россия» бла «Донецк Республика» къымылдау бирге ишлерге келишгендиле. Ол жаны бла документге  къол  партияны генеральный советини секретары  Андрей Турчак бла ДНР-ни башчысы Денис Пушилин салгъандыла. Аны юсюнден бизге партияны регион бёлюмюню пресс-службасындан бидиргендиле.

Бал чибинлени ууландырмазча

Сабанлада пестицидле жайгъан кезиуде ол тийреледе учуп айланнган бал чибинле ууланып къырылыргъа боллукъдула. Бу жаны бла бек уллу къоркъуу барды, дейдиле КъМР-ни Эл мюлк министерствосунда эмда аллай ишлени башлардан алгъа бал батманла тутханлагъа билдирирге чакъырадыла.

Юйюр къурардан алгъа келишим жарашдырыргъа керекмиди?

Юйюр къурау бла байламлыкъланы къаууму Юйюр кодексни чегинде ЗАГС-ны органлары бегитедиле. Анда эр бла бийчени бир бирлерини алларында эркинликлери эм жууаплылыкълары толу ангылатылынады. Россейде юйюр къураргъа 18 жыллары толмагъанлагъа (энчи болум бла байламлы 16-жыллыкълагъа жарайды), жангызда эр кишилени неда тиширыуланы араларында, къаршы жууукълагъа, психикалары ауругъанлагъа эркин этилмейди. 

Профилактиканы сансыз этиу игиликге келтирмез

Роспотребнадзорну Къабарты-Малкъарда Управлениясындан билдиргенлерича, бизни республикада къутургъан ауруу жайылыу жаны бла хал энтта да осалды. Быйылны биринчи жарымында жаныуарла къабып, медицина учреждениялагъа болушлукъ излеп 1276 адам келгенди. Былтырны ол кезиуюнде аланы саны 1231 болгъан эди. Аны эсге алып, маллада, жаныуарлада да къутургъан ауруу бла байламлы болум кимден да бек уллу сакълыкъ излейди, деп эсгергендиле анда.

Уста мараучу

Уллу Ата журт урушну солдатлары

Европада эм терен кёлледен бири

Черек районда бир-бирден узакъ болмай беш кёл орналадыла: Къургъакъ, Жашырын,  эки Огъары эм  белгили Чирик-кёл. Чирик кёл табийгъатны сейир эсгертмесиди. Анга бир тюрлю суу къошулмагъанлыкъгъа, тышына  бир суткагъа 70 минг кубометр  саркъады. 

Страницы