|
|
Все статьи
19 августа, 2022 - 11:11
Августну бу кюнлери болмагъанча къызыулукъ бла энчидиле. Адам, жаныуар да кеси кесине жер тапмагъанлай, салкъынны излеп къыйналадыла. Аны себепли бир къауум белгили амалланы къатлап эсигизге салабыз, сиз кесигизни сакъларча.
19 августа, 2022 - 10:54
Россейни эмда Европаны эм бийик тёппесине бир кезиуге аслам халкъ чыгъаргъа умутлуду: КъМР-ни 100 жыллыгъына аталгъан Эльбрусиада-2022 бу кюнледе ётерикди. Минги-Таугъа Москвадан, Санкт-Петербургдан, Нальчикден, Иркутскдан, Краснодардан эмда талай башха шахарладан жюз чакълы бир альпинист ёрлерикдиле. Ала эки къауумгъа бёлюнюп чыгъарыкъдыла ары. Шёндю къонакъла акклиматизацияны ётедиле, жолгъа уа 19 августда тебирерикдиле.
19 августа, 2022 - 09:27
Мариупольда энчи операция баргъан кезиуде россейли аскерчиле мамыр адамла жашагъан жерледе УР-77 сауутну хайырланнгандыла, аны бла инсанлагъа аманлыкъчылкъ ишлени этгендиле, деп билдиргендиле украинлы асламлы информация органла. Аны юсюнден войнасфейками.рф телеграм канал.
18 августа, 2022 - 15:25
Устаз сабийни биринчи харфланы таныргъа, жаза, окъуй билирге юйретгенгени бла бирге, аны билим алыргъа талпындырса,ол таза да иги устазды дерге боллукъду. Ма мени да болгъанды аллай устазым - Боллуланы Ахматны къызы Аминат.
18 августа, 2022 - 12:00
«Бир жол, къан басымым кётюрюрлюп, кёзюм-башым тёгерек айланып къыйналама. Юйдегиле олсагъат терк болушлукъ берген машинаны чакъырадыла. Келген врачла мени къатымдан кетмей эки сагъатха дери кюрешедиле. Къан басымымы тюшюредиле. Болсада , больницагъа элтебиз, юйде къойсакъ, инсульт болургъа къоркъуу барды, деп кардиология арагъа элтедиле. Ол Анда ингирде ишлеген врач, олсагъат битеу керекли амалланы этип, палатагъа дери ашырады. Андан сора да ол къатыма терк-терк келип, халиме къарап тургъанды»,-деп хапарлагъанды манга бир танышым. Врач а Ностуланы Карина эди.
18 августа, 2022 - 12:00
Августда Россейни билим бериу министрини орунбасары Андрей Корнеев да къатышып Нальчик шахарда форум бардырылгъанды.
18 августа, 2022 - 11:54
Россейли аскерчиле Харьков шахарда орналгъан пенсионерле, сабийле эм сакъатла жашагъан общежитиягъа от ачхандыла. Аны хатасындан жаралы болгъанла да бардыла деп жазадыла украинлы асламлы информация органла. Бу билдириуню войнасфейками.рф телеграм-канал этгенди.
18 августа, 2022 - 11:09
Къабарты-Малкъарда Уллу Ата журт урушда совет халкъны батырлыгъына аталгъан аламат эсгертмеле, аланы авторларыны бирлери дунияларын алышдыргъанлыкъгъа, бизге бюгюнлюкде да деменгили Ата журтубуз Уллу Хорламны болдурур ючюн сынагъан къыйынлыкъланы, жарсыуланы, ёлюмлени, жигитликлени юсюнден эсгертгенлей турадыла. Ольга Берггольцну: «Бу таш мермерлеге къарагъан инсан, сен бил – биреулен да унутулмагъанды, бир зат да унутулмагъанды!» – деген реквиеми бизге, саулагъа, ёмюрлюк насийхат болгъанын бир заманда унутмайыкъ.
18 августа, 2022 - 10:00
Кёп болмай «Къоркъуусуз эм тынгылы автомобиль жолла» миллет проектге кёре, «Прохладный — Эльбрус» жолну эки километр чакълы бири болжалдан алгъа жангыртылгъанды. Аны юсюнден бизге КъМР-ни Транспорт эмда жол мюлк министерствосундан билдиргендиле.
18 августа, 2022 - 09:35
КБНЦ-ны Эл мюлк институтуну Терк районда илму-производстволу участкасында «Сабанны кюню 2022 ж. Жазлыкъ битимлени (нартюх, чёплеу, соя) импортну алышындырыу халда ёсдюрюуню энчиликлери» деген ат бла семинар-кенгеш ётгенди бу кюнледе.
18 августа, 2022 - 09:35
Быйыл 18 августдан башлап 24 августха дери «Азбука предпринимателя» деген тренинг бардырыллыкъды. Аны Къабарты-Малкъар Республиканы предпринимательствогъа себеплик этген Арасы, «МСП Корпорацияны» гитче эмда орта предпринимательствогъа билим бериу программасыны чеклеринде къурагъанды.
18 августа, 2022 - 09:05
Къабарты-Малкъар Республиканы 100-жыллыгъына хазырланыу Нальчикде къыстау барады: баш орамлары тапландырыладыла, пассажир транспорт тохтагъан жерледе шёндюгю заманнга келишген омакъ комплексле ишленедиле, шахарны тюрлю-тюрлю мюйюшлеринде жарашдырылгъан солуу майданчыкъла уа жамауатны къууандырадыла. Ишлене тургъан эмда хазыр болгъан аллай объектлени къауумун КъМР-ни Башчысы Казбек Коков да жокълагъанды.
17 августа, 2022 - 18:55
Россей Федерацияда самолётланы учханларыны къоркъуусузлукъларын унутургъа боллукъду, Промышленность эм сатыу-алыу министерство учакъда экинчи пилотну компьютер бла алышындыргъанды. Быллай хапарланы телеграм-каналла жазадыла. Аны юсюнден войнасфейками.рф телеграм канал билдиреди.
17 августа, 2022 - 12:03
Таулада чабыуну сюйгенле Минги тауда онунчу «Alpindustria Elbrus Rase» фестиваль бардырылгъанды. Республиканы курортда эм туризм министерствосундан билдиргенлерича, анга 1400-ге жууукъ адам къатышханды.
17 августа, 2022 - 10:30
Минги тауда Терс-Къолну тийресинде 2800 метр бийикликде «Девичьи косы» чучхурну кёрлюксюз. Анга аллай ат а къызны чачына ушагъан кёрюмдюсю ючюн берилгенди. 30 метр бийикликден келген суу базальт къаялада жайылып саркъады. Ол Россейни эм ариу 20 чучхуруну санына киреди.
17 августа, 2022 - 10:01
Туугъанлай окъуна адам баласы аны къуршалагъан дунияны тюрлю-тюрлю тюрсюнлени болушлукълары бла билип башлайды, ангылап, танып. Ол ангылау адам къарамыны бек керекли затларындан бириди. Тюрсюнлени тюрлю-тюрлюлери, кеслерини энчиликлерине, башхалыкъларына кёре, кёп затха жарайдыла. Аланы къыйматларын тинтирге, билирге, теренирек ангыларгъа, адамланы жашауларында ала не магъана тутханларын тохташдырыргъа къаст этип, бурун заманладан бери кюрешедиле алимле.
17 августа, 2022 - 09:35
МФЦ-лада унутулуп къалгъан документле беш кюн озгъандан сора Кадастр палатагъа бериледиле, сакъланырча. Андан а аланы къалай алыргъа боллугъуну юсюнден ведомствода айтхандыла.
17 августа, 2022 - 09:05
Былтыр КъМР-ни Башчысы окъуучуланы битеуроссей олимпиадаларыны (2020-2021 окъуу жыл) регион уруумунда хорлагъан сабийлени анга къатышыргъа хазырлагъан педагогланы республиканы оноучусуну премиясы бла саугъалауну юсюнден указ чыгъаргъаны белгилиди. Устазланы ол къауумуну тизмесинде бизни таулу жашларыбыз бла къызларыбыз болгъанлары уа, не жашырыу, къууандыргъаны бла къалмай, ёхтемлендирген да этеди. Не къалай, алай десек да, ёз миллетингден адамны аты аллай даражалы эришиуде айтылса, ол шарт кёлюбюзню кётюреди.
17 августа, 2022 - 09:00
Фатарны багъасын саулай тёлерге онг болмаса, болушлукъгъа ипотека келеди. Болсада ол кёп жыллагъа созулгъаны артыкъ къууандырырча шарт тюйюлдю. Аны теркирек тёлеуню амаллары уа бардыла.
Страницы
|
