|
Все статьи
27 сентября, 2022 - 16:17
Бюгюннгю кезиуде аппаларыбыз бизге юлгю болургъа керекдиле. Ала Ата журтха жау чапханда аны къорууларгъа сюелгендиле. Узакъ 1941 жылда Уллу Ата журт урушха Таппасханланы тукъумдан 40-гъа жууукъ эр киши кетгенди. Аладан уруш аулакълада 24 къалгъандыла.
27 сентября, 2022 - 15:38
Республиканы аграрчылары быйыл сояны 7,3 минг гектарда сепгендиле. Тенглешдирип айтханда, ол былтырны кёрюмдюсюнден эки кереге кёпдю.
27 сентября, 2022 - 15:37
Къабарты-Малкъарда ётмек бишириучю предприятияланы быйыл ал эки кварталда къоранчларыны бир кесегин къайтарыргъа деп белгиленеди. Бу субсидияны бериуню жорукълары хазырдыла, документлени алыу а 26 сентябрьде башланырыкъды эмда жетинчи октябрьге дери барлыкъды, деп билдиргендиле КъМР-ни Эл мюлк министерствосундан.
27 сентября, 2022 - 12:33
Быйылгъы жыл Къабарты - Малкъарны тарыхында бек уллу тюрлениулени жылыча къаллыкъды. Республиканы жюзжыллыгъына аталып бардырылгъан ишлени араларында энчи жерни паркны айбатландырыу алады. «100- жыллыкъны суу боюну» деген проектге кёре анда юч жыяу жол тапланнганды: «Бирликни жолу» - ол Осетинская орамдан башланып, Кешоковагъа жетеди, «Мамырлыкъны жолу» Идаровадан орамдан Осетинскаягъа барады, «Келишиулюкню жолу» уа Кешоковада башланып Канукоевада бошалады.
27 сентября, 2022 - 11:41
Жемишлени жыйыу бошалып, ызы бла тереклени да чапыракълары тюшюп тебирегени бла бахчада башха жумушланы кезиую башланады.
27 сентября, 2022 - 09:35
Къазанда грек-рим тутушуудан битеукъырал эришиу бардырылгъанды, ол РСФСР-ни сыйлы тренери Мягас Сахабутдиновну хурметине аталып къуралгъанды. Турнирге Россейни 60 регионундан 21 жыллары толмагъан 410-дан аслам гёжеф къатышхандыла.
27 сентября, 2022 - 09:00
Нальчикде Сабий стадионда 2011 жылда туугъан спортчуладан къуралгъан командаланы араларында футболдан турнир бардырылгъанды, анга Пятигорскдан, Ессентукиден, Моздокдан, Ардондан бла Нальчикден сегиз команда къатышхандыла.
27 сентября, 2022 - 08:40
Бюгюнлюкде таулу тойланы бардырылыуларыны, жашларыбыз бла къызларыбыз къалай юйленнгенлерини юсюнден кёп тюрлю оюмла жюрюйдюле. Эрттеден бери газет бла байламлыкъ жюрютген Улбашланы Саниятны айтханын басмалайбыз.
26 сентября, 2022 - 20:47
Россейге санкцияла кийирилгени ючюн бизни республикада тыш къыралла бла сатыу-алыу этген предприятияланы ишлерине дайым къаралады. Алада тюбеген чурумланы ачыкълау иш тири бардырылады, дейдиле КъМР-ни Экономиканы айнытыу министерствосунда.
26 сентября, 2022 - 20:45
«Долина Нарзанов» санаторий ишлеп башлагъанлы бу кюнледе элли жыл толгъанды. КъМР-ни Правительствосуну Председателини орунбасары Марат Хубиев анда уруннганланы КъМР-ни Башчысы Казбек Коковну атындан алгъышлагъанды. Санаторийни коллективи жарым ёмюрню ичинде халкъны саулукъландырыу жаны бла бек уллу иш тындыргъанын чертгенди ол. «Курорт бёлюм тюрлениуле сынагъан кезиуледе санаторий сакъланып, бюгюнлюкде бек тап ишлейди.
26 сентября, 2022 - 20:34
Жаболаны Музафарны къызы Марина тхэквондо ИТФ-дан Россейни спортуну устасыды. 1997, 1998 эм 2003 жыллада Шимал Кавказны биринчиликлеринде уллу жетишимлеге жетгенди. Андан сора, Шотландияда жаш тёлюню арасында бардырылгъан европалы эришиуледе хорлагъанды, Россейни бир ненча чемпионатларында алчы болгъанды. Экинчи данлы къара бел бауу барды. Кёп заманны КъМР-ни Билим бериу эм илму министерствосуну специализацияланнган республикалы сабий эм жаш тёлю спорт арасында къызчыкъланы бла жашчыкъланы юйретип тургъанды. Бусагъатда уа Норильскени Талнах районунда 30-чу номерли мектепде физкультурадан устазлыкъ этеди, сабийлени да тхэквондогъа юйретеди.
26 сентября, 2022 - 20:12
Къабарты-Малкъарны Жамауат палатасында саулукъ сакълауну биринчи звеносун игилендириу жаны бла регион программа къалай толтурулгъанын сюзгендиле.
26 сентября, 2022 - 20:10
Прохладна районну школларында от тюшюуден сакълау жаны бла законодательство къалай толтурулгъанын тинтгендиле.
26 сентября, 2022 - 20:10
Бусагъатда ковидден ауругъанланы асламысы къыйналмай къутуладыла. Сора тынчайыргъа боламыды? Огъесе сакъ болургъамы керекди? Аны юсюнден биз Нальчик шахарны биринчи номерли поликлиникасыны баш врачы Аулият Каскулова бла ушакъ этгенбиз.
26 сентября, 2022 - 19:59
«Билим бериу» миллет проектни чеклеринде Б. Г. Хамдохов атлы агропромышленный колледжни Майскийде бёлюмюнде къууанчлы халда юч мастерской ачылгъанды: электрокюч кабель ызланы хайырланыу, электромонтаж, реле къоруулау, автоматика оборудованиягъа къарау эмда анга ремонт этиу жаны бла. Бу ишге КъМР-ни жарыкъландырыу эмда илму министри Анзор Езаов, урунуу эмда социал къоруулау министри Асанланы Алим, Май районну жер-жерли администрациясыны башчысы Татьяна Саенко, колледжни башчысы Анатолий Сахроков эм башхала къатышхандыла.
26 сентября, 2022 - 19:36
Георгий тасманы Россейни аскер махтаулугъуну эмда Уллу Ата журт урушда Хорламны белгилерини тизмесине кийирирге белгиленеди. Ол жаны бла законну проектин Къырал Думаны депутатлары биринчи окъулууда къабыл кёргендиле.
26 сентября, 2022 - 19:11
Къмр-ни Башчысы Казбек Коков къурулуш бёлюмде эм инвестиция проектлеге къарау бла байламлы штабны биринчи жыйылыуун бардыргъанды.
26 сентября, 2022 - 16:11
Тырныауузда грек-рим тутушууну айнытып башлагъанла СССР-ни спортуну усталары Байзуллаланы Юсюпню бла Мирзойланы Хызырны хурметлерине жоралап, жыл сайын турнир бардырылады.
26 сентября, 2022 - 16:03
«Жолда жюрюуню къоркъуусузлугъуну ыйыгъы» битеуроссей акциягъа республиканы жюзден аслам школчусу къатышханды.
26 сентября, 2022 - 09:05
КъМР-ны Башчысы Казбек Коков шёндю бардырыла тургъан мобилизация бла байламлы Къабарты-Малкъардан аскерге къуллукъ этерге чакъырылгъанлагъа социал жаны бла регион мадарла этер амалны белгилегенди. Аны бла байламлы бюгюн окъуна тийишли указгъа къол салгъанды.
Страницы
|