|
|
Все статьи
14 декабря, 2022 - 15:41
Ата журтну Жигитлерине атап, Росгвардияны КъМР-да управлениясыны келечилери жаш тёлюню патриот ниетде юйретиу бла байламлы «тёгерек» столгъа къатышхандыла.
14 декабря, 2022 - 15:40
1947 жылда 14 декабрьде Совет Союзда «Ахча реформаны бардырыу эмда аш-азыкълагъа бла промышленность товарлагъа карточкаланы кетериу» Бегим къабыл этиледи. Аны бла Уллу Ата журт уруш башланнганында кийирилген карточка системаны болжалы чыгъады.
14 декабря, 2022 - 15:37
Алгъаракъда «Заман» газетибизде окъудум къайын анасыны юсюнден тарыкъгъан келинни хапарын. «Мен къайын анама келин тюйюл эдим, къарауаш эдим»,-дейди ол. Анга тынгыласанг - ол аш-азыкъ бишириучю, къайынлары уа дайым ашаучула. Бош ашаучула да угъай, къарынлары тойгъандан сора да, кёзлери тоймагъанла.
14 декабря, 2022 - 15:34
Доброволецлени кюнюнде Нальчикде «Донор бол да – жашау сакъла» деген акция ётгенди. Анга къошумчулукъну МВД-ны Къырал автоинспекциясыны КъМР-де Управлениясыны энчи батальону этгенди. Инспекторла берген къан кёп адамны жашауун эм саулугъун сакъларгъа болушуругъуна ийнанадыла.
14 декабря, 2022 - 15:33
Элбрус районну полициячылары, наркотикледен кеф болуп, ол халда рульгъа олтургъан водительни тутхандыла.
14 декабря, 2022 - 14:51
Адамны мыйысында болгъан онгланы жаланда 5 проценти хайырланады, деген оюм жюрюйдю. Алай ол да жетеди сейирге къалдырырча жетишимле болдурургъа. Мыйы 100 процентге хайырланса уа не боллукъ эди? Аллай заман а келирми? Адам улу къалай айнырыкъ эди? Ол эмда башха соруулагъа биология илмуланы доктору Сергей Савельев жууапла береди.
14 декабря, 2022 - 14:47
Элли жылдан сора биз тюрленнгенибизни терк окъуна сезебиз. Жюрегиз бирде чанчыр, бирде уа терк-терк урур, чыгъып кетерге сюйгенлей. Нек болады алай? Аны юсюнден Кардиоцентрни врачы Жанатайланы Людмила бла ушакъ этгенбиз.
14 декабря, 2022 - 13:00
Нарт сёзлени, айтыуланы магъаналары къалай ёмюрлюк болгъанларын жашауну хар бир кюнюнде кесибиз кёрюп турабыз. Заман да, адам кеси да тюрленнгенде да, аланы ёмюрле тюрлендиралмагъандыла. Баям, андан жюрюйдюле адам улуну биргесине ала, жюзле бла саналгъан тёлюлени ауузларында сыйдамланып, магъаналарын – жютю, жашауларын да ёлюмсюз этип. Андан табадыла кеси жерлерин бюгюннгю хапарларыбызда, ушакъларыбызда да. Андан келедиле ата-бабаларыбыз такъгъан эски жырлагъа тынгылагъанланы жюреклерин жарыта, халкъыбызны акъыл эсин таныта.
14 декабря, 2022 - 10:00
Чабакъ продукция адамгъа кёп жаны бла хайырлы болгъаныны юсюнден эшитгенле быллай соруула бередиле: «Аланы къайсы тюрлюлерин сайларгъа керекди? Чабакъмы огъесе этми хайырлыды бегирек?». Аны юсюнден Россельхознадзорну Къабарты-Малкъарда Референт арасыны специалистлери айтханларын бу материалда окъурукъсуз.
13 декабря, 2022 - 18:33
Моллаланы Фатима доктор болуп, берген антына, сайлаууна да кертичилей къалып келгенли энди отуз жылдан атлагъанды. Бюгюнлюкде ол КъМР-ни Катастрофаланы медицинасы эмда терк медицина болушлукъну арасыны врач-анестезиолог-реаниматологуду. Саулукъ сакълауну айнытыугъа эмда коронавирус инфекциягъа къажау уллу къыйын салгъаны, бийик профессионал усталыгъы эмда кёп жылланы бет жарыкълы ишлегени ючюн 2020 жылда КъМР-ни Башчысыны буйругъу бла «КъМР-ни сыйлы врачы» деген атха тийишли кёрюлгенди. Бюгюн а ол мени ушакъ нёгеримди.
13 декабря, 2022 - 15:38
Бёзюланы Алимни жашы Солтанны хунерин, бирсилеге ушамагъан, ариу ёнюн кёпле жаратадыла. Фахмулу жырчы бу жаны бла бийик билим алыргъа итинип, Москвада Къырал культура институтну эстрада-джаз бёлюмюн бошагъанды. Шёндю ара шахарда ишлейди. Алай туугъан элин да унутмайды. Бош заманы болса, Хасаниягъа жетеди. Биз анга тюбеп ушакъ этгенбиз.
13 декабря, 2022 - 13:00
Боламыдыла эски тёреле-адетле? Хау, боладыла. Жашау тюрленсе, ала да тюрленирге керекдиле. Не букъдурур кереклиси барды, башларын кечиндиралмагъанла, сабийлерин къыйналып ёсдюргенле аз тюйюлдюле. Иш тапмагъанлай, эллерибизден эр кишиле узакъ шахарлагъа кетип, къайда не зат тапсала да, анда урунадыла, юйюрлерин кечиндирирге кюрешип. Айла бла сабийлерин, юй бийчелерин кёрмей. Ол адыргы сомланы артда жети жюз адам жыйып тойда чачхандан не хайыр? Шёндюгю жарсыулу болумла ачыкъ кёргюзтюп турадыла: хар адамны онгуна кёре жашаргъа эркинлиги болургъа тийишлиди.
13 декабря, 2022 - 12:19
Къабарты-Малкъарны Регионнга оноу этиу арасы (ЦУР) ай башланнганлы тогъуз жюзден аслам соруугъа къарагъанды. Аланы асламысы «Telegram», «Однаклассники, «ВКонтакте» социал сетьледе кётюрюлген «Инцидент Менеджмент» системаны амалы бла жарашдырылгъан проблемаладыла.
13 декабря, 2022 - 11:00
Кёпле ётмек семиртген этеди деп, аны ашамай тохтагъандыла. Алай австралиячы алимле аны тюзге санамайдыла. Ала кёп жылланы тинтиуле бардыргъандыла, кёплени ашагъан халларына бла ашларына къарагъандыла.
13 декабря, 2022 - 10:00
Жай кюнлени биринде «Заман» газетге корректор керекди деген билдириуню кёреме. Мында ишлерге муратым эрттеден болгъаны себепли, конкурс кюнню ашыгъып сакълайма. Талай адам келген эдик, аланы араларында Улбашланы Мурат да болгъанды. Ючеуленни ол кюн редакциягъа аладыла, ол санда Муратны, мени да. Алай бла коллегала, шуёхла да болабыз. Мурат ишин сюйген, тюзлюкню багъалагъан, адамла бла бир тил таба билген журналистди, керти, ышаннгылы тенгди. Аны бла окъуучуларыбызны да шагъырей этерге сюеме.
12 декабря, 2022 - 18:33
РФ-ни сыйлы агроному, КъМР-ни илмусуну сыйлы къуллукъчусу Мирон Ханиевге аталып, Къабарты-Малкъарны къырал аграр университетинде Битеуроссей илму-сынам конференция бардырылгъанды кёп болмай. Аны баш темасы «Россей Федерацияны илму-техникалы эмда социал-экономикалы жанлары бла айнытыу онглары» болгъанды.
12 декабря, 2022 - 18:09
Озгъан ыйыкъда Пятигорск шахарда «СтартМашукСКФО» деген форум ётгенди. Анга СКФО-ну 7 регионундан жыл санлары 14-18 жылгъа жетген къызла бла жашла къатышхандыла. Аны бардырыуну баш борчу добровольческий къымылдауну айнытыугъа себеплик этиу болгъанды. Къабарты-Малкъардан ары 6 школчу жолоучу болгъандыла.
12 декабря, 2022 - 17:55
Кульчаланы Зульфия журналист болуп «Заман» газетде ишлерге эрттеден мурат этгенди. Къадар болуп, сюйген ишине киргенинден сора уа, ары кёлю кётюрюлгенлей жюрюйдю. Ол журналистиканы ишге угъай, жашаууну бир энчи кесегине санайды. Бюгюн ол мени ушакъ нёгеримди.
Страницы
|
