Все статьи

Врачланы бир къаууму сууукъла тийип ауругъан кезиуде санны иссилигин ибупрофен бла тюшюрсе, ол миокард инфарктны къоркъууун 3,4  чакълы бирге кёбейтеди деген эсепге келгенди. Анга ушагъан бирси дарманла да (аланы воспалениялагъа къажау нестероид препаратланы (НПВС) къауумуна бирикдиредиле) алайдыла.

Кёп болмай Зеленокумскда  дзюдодан СКФО-ну биринчилиги ётгенди. Анга къатышханланы араларында Деваланы Мансур да бар эди. Таулу жашчыкъ 2011-2012 жыллада туугъан къауумда эрише, 38кг ауурлукъ категорияда алчылыкъны жибермей, Шимал Кавказда кеси жыл санында бек кючлю болгъанын кёргюзтгенди.

Къабарты-Малкъар къырал университет  8-11 классланы  окъуучуларына бюгюннгю программированиядан къошакъ халда эки жыллыкъ курсла бардыргъан  «Код будущего» проектге къатышхан   учрежденияланы тизмесине киргенди. Аны магъанасы жаш адамланы, бютюнда  школчуланы  рынокда уллу  сурам болгъан цифралы технологияла бла байламлы усталыкълагъа тартынырча этергеди.  

Бу кюнледе Къабарты-Малкъаргъа къаты сууукъла келгенлери ючюн,  буз басып ток чыбыкъланы юзгенди эм саулай   энергокюч системаны да уллу ауурлукъ бла ишлерча этгенди.  Аны амалтын  Бахсан эм Зольс районлада онжети эл,  неда 53 мингден аслам адам токсуз къалгъандыла.  Аварияланы къысха заманда кетерирча   «Россети Северный Кавказ» биригиуню таматасы Виктор Абаимов  къошакъ халда къоншу регионладан бригадаланы чакъыртханды. 

Биринчи декабрьде 23 сагъат 20 минутда «Нарткъала-Урван-Рыбопитомник» жолну экинчи километринде  «ВАЗ – 211440» эм «Лада-Гранта» къагъышхандыла, тёрт адам  больницагъа жетдирилгендиле.

9 декабрьде Россейде Ата журтну жигитлерини кюнюн белгилейдиле. Ол сыйлы кюн  2007 жылда  Федерал закон бла  бек бийик къырал саугъала бла – Совет Союзну  эмда Россей Федерацияны Жигитлери деген атла, Махтаулукъну эмда Сыйлы Георгийни орденлери бла белгиленнгенлеге  къырал, жамауат да уллу хурмет этгенлерине шагъатлыкъгъа тохташдырылгъанды.

Бир ненча жыл мындан алгъа чыгъарылгъан китаплада, журналлада, газетледе сейир затлагъа тюбеп къаласа. Аллай бир тарых магъаналы материалны озгъан ёмюрню сексенинчи жылларында профессор, тарых илмуланы доктору В.Б. Виноградов бла КъМР-ни Миллет музейинде ишлеген Деппуланы А.Б. жазгъандыла. «Эрттегили бохчаны хапары» деген иш бюгюннгю окъуучугъа да сейир кёрюнюрюгю сёзсюздю.

  Николай Самохвалов Къабарты-Малкъарны кёп жерлеринде жолоучулукъда болуп, аллай кезиуледе кёргенини бла эшитгенини юслеринден газетлеге, ол санда «Заманнга» да жазгъанлай тургъанды. Республиканы тарыхына да эс бургъанды. Артыкъда тау жерледе жолоучулукъларын бек жаратханларын, кёп сейир адамлагъа тюбегенлерин да ол сюйюп суратлагъанды жазмаларында. Аны аллай жолоучулукъларындан бирини юсюнден жазгъаны бла сизни да шагъырей этерге сюебиз. Ол таулу къойчуланы юслеринден къалай уллу жюрек жылыулукъ бла жазгъанын кесигиз да сезериксиз.

Белгисиз солдатны кюню — Россейде сыйлы кюнледен бириди. Ол 2014 жылдан бери 3 декабрьде жыл сайын белгиленеди, кеси да къыралыбызны эм андан тышында да  къазауатлада жигитча сермеше жан берген совет эмда россейли аскерчилени хурметлерине тохташдырылгъанды.