|
|
Все статьи
20 декабря, 2022 - 09:05
Кёп болмай КъМР-ни Жаш тёлюню ишлери жаны бла министерствосу къурап Къабарты-Малкъар къырал университетде «Труд-крут» деген аты бла республикалы семинар-практикум болгъанды. Россейни студент отрядларыны (РСО) жаш тёлю битеуроссей организацияны конференциясы бардырылгъанды, ол санда студент отрядланы айнытыу да сюзюлгенди.
20 декабря, 2022 - 09:05
Кёп болмай «Россети Северный Кавказ»-«Каббалкэнерго» биригиуню келечилери рейдни кезиуюнде Нальчикде санатор-курорт бёлюмде ишлеген предприятияладан бири бир къауум айны эсеплеген приборсуз хайырланнганын ачыкълагъандыла.
20 декабря, 2022 - 08:10
Тенгиз жаныуарланы тюрлю-тюрлю концерт программалада кёргюзтюр ючюн тутаргъа жарарыкъ тюйюлдю. Ол жаны бла законну проекти биринчи окъулууда къабыл кёрюлгенди. Дельфинарийлени жабаргъа кереклисини, алада жаныуарла артыкъда осал болумда тутулгъанларыны, алагъа зорлукъ сынатып, ахча ишлегенлерин тохтатыргъа кереклисини юсюнден эрттеден бери айтылады.
19 декабря, 2022 - 16:54
Элбрус районну Терс-Къол элинде къуллукъ борчларын толтура ёлген журналистлени эсгергендиле. Бу ишге Росгвардияны ведомстводан тышында охранасыны къуллукъчулары да къатышхандыла. Ала, бир минутну шош туруп, ёлгенлеге хурмет этгенлерин билдиргендиле эм эсгертмеге гюлле салгъандыла.
19 декабря, 2022 - 14:09
Къарты болгъан юйню берекети да башхаракъды. Аны алайлыгъы ёмюрледен бери да айтыла келеди миллетибизде. Ала бар юйюрлени чыракълары окъуна башхаракъ жаннганча, аладагъы жылыу жюрегинге бир башха тюрлю хошлукъ бергенча да кёрюнеди бирде. Кеслери аппала-ыннала бла ёсгенле уа аны алайлыгъын бютюн бегирек сезедиле. Аллай насыпны сабийликде къадар бизге да бергенине не заманда да шукур этгенлей турама.
19 декабря, 2022 - 13:58
КъМР-ни Шогенцуков атлы Къырал драма театрында «Мисс Къабарты – Малкъар – 2022» деген ариулукъну миллет конкурсуну финалы ётгенди. Эришиуню ётдюрюуде да бу жерни сайлау бошдан тюйюл эди. Нек дегенде бу конкурсну тарыхында миллет энчиликлени эсге ала быллай ариулукъну байрамы биринчи кере ётеди. Аны «KAMBI PRODUCTION» продюсер арады.
19 декабря, 2022 - 12:42
Моллаланы Гарттайны жашы Ибрахим хажи тау элледен биринчи хаж къылыргъа баргъанланы къауумундан эди. Ол Холамгъа ислам динни жайгъан миссионер къуллугъун толтура келген эди Малкъардан дейдиле. Холамда ол Чабдарланы къызлары бла юйюр къурап жашагъанды, Холамны, Бызынгыны сабийлерин дин жаны бла окъутханды. Белгили Чабдарланы Сюлемен хажини (1851-1927) устазы болгъанды. Ол дагъыда кёп иги иши бла белгилиди: Шалушканы къатында жер алып, Моллаланы хуторну къурагъанды (бусагъатда – Звездный, Нальчик-20), къумалы малла жайгъанды.
19 декабря, 2022 - 11:34
Бу кюнледе Х.М.Бербеков атлы Къабарты-Малкъар къырал университетдеги «Точка роста» майданда Россейни сабийлерини эмда жаш тёлюсюню «Къураучулукъ.Чыгъармачылыкъ.Бирге ишлеу. Къымылдауну ишин абаданла бла бирге бардырабыз» деген ат бла къыралны ара шахары Москвада боллукъ биринчи съездине делегацияны борчларын белгилеуге эмда жаш тёлю бла байламлы жангычылыкъланы айтыугъа жораланнган жыйылыу болгъанды.
19 декабря, 2022 - 10:27
Бюгюнлюкде Жангы жыл 31 декабрьде белгиленеди. Адамланы асламысы анга алгъадан хазырланып башлайдыла - аш-суу хазырларча продуктла, саугъала аладыла, къайда эм къалай этериклерин тохташдырадыла, бир бирге къонакъгъа жюрюйдюле, майданда жасалгъан назыгъа эм салютлагъа къараргъа барадыла…
19 декабря, 2022 - 08:10
Тырныауузда магъадан-молибден комбинат жабылгъанлы жыйырма жыл болады. Кеси заманында ол республиканы индустриясын айнытыуда баш жерни алгъан, къыралны тау магъадан чыгъарыуда эм уллу предприятиясы болгъанды. Кёп жылланы анда ишлеген специалистледен бири Текуланы Рашитди, ол малкъар миллетден биринчи байыкъландырыучу-инженерди.
19 декабря, 2022 - 08:10
Халкъыбзда акъыллары, сабырлыкълары бла юлгю алырча адамла аз тюйюлдюле. Жаш тёлю билмеген затын аладан сора турса абынмаз деп, мен алай сагъыш этеме. Ма Огъары Жемталагъа тебирей туруп, эллеринде аллай адамланы излегенибизде, кёпле Ахматланы Хасанны жашы Хусейни атын айтхан эдиле. Бюгюнлюкде ол эл советде бухгалтер болуп ишлейди. Аны биргесине урунуп келгенле айтханнга кёре, Хусей Хасанович иши бла байламлы хар къагъыт къайсы жерде, къайсы папкада болгъанын биледи. Сёз ючюн, 10-15 жыл мындан алгъа жазылгъан документни ол не заманда да ажашмай чыгъарып бераллыкъды.
18 декабря, 2022 - 13:43
РФ-ни билим бериуюню сыйлы ишчиси Атмырзаланы Зоя сабийлигинде да музыканы аламатлыгъына бёленип ёсгенди. Анасы Сулима, миллет къобузда уста согъуп, кёплени кёллерин жарытханды, тойгъа-оюннга юйретгенди. Аны кёре, къызчыкъ музыка школгъа барыргъа сюйюп, Красноармейское элден Майский шахаргъа жюрюгенди. Анда аккордеон классда билим алгъанды.
18 декабря, 2022 - 13:05
КъМР-ни Башчысы Казбек Коков Россей Федерацияны Урунууну жигити, Адыгея, Къабарты-Малкъар, Къарачай-Черкес республикаланы халкъ жазыучусу Исхакъ Шумафович Машбаш бла тюбешгенди.
18 декабря, 2022 - 13:00
Россейде «Демография», «Саулукъ сакълау», «Билим бериу», «Туризм эм къонакъбайлыкъ индустрия», «Гитче эм орталыкъ предпринимательство», «Жашау журт эм шахарлада болум», «Культура», «Экология», «Качестволу эм къоркъуусуз жолла» эмда башха миллет проектле бардырыладыла жашауда. Ала Россейде не жаны бла да къолайлы мадарла жалчытыр, инсанлагъа ырахматлы жашау болумла къурар мурат бла жарашдырылгъандыла. Къабарты-Малкъаргъа уа быйыл миллет проектлени тамамлаугъа 13 миллиард сом бёлюннгенди, бу ахчагъа артыкъда магъаналы жумушла тамамланнгандыла.
18 декабря, 2022 - 12:50
Къабарты-Малкъарда эл мюлк предприятияны алгъыннгы къуллукъчусуну аманлыкъчы ишлери ючюн тутулгъанды.
18 декабря, 2022 - 11:50
КъМР-де МВД-ны кеси энчи къоркъуусузлукъну жалчытыу службасында къуллукъ этгенле Россейни МВД-сыны Нальчикде управлениясыны ГИБДД-сыны жол-патруль службасыны энчи ротасыны келечиси законнга бузукълукъ этгенин тохташдыргъандыла.
18 декабря, 2022 - 11:15
Атмырзаланы Мадина Кёнделен элни Доттуланы Ахматны атын жюрютген биринчи номерли мектебинде директоруну юйретиу жаны бла орунбасарыды. Ол «Цифровая образовательная среда» федерал проект къалай толтурулгъаныны юсюнден билдиргенди.
18 декабря, 2022 - 10:45
Кёчгюнчюлюкню ал жылларында Къыргъызстанны таула этегинде орналгъан эллеринден биринде болгъан иш эсимде къалгъанды, деп эсгергенди кёчгюнчюлюк кюнледен бирин 1997 жылда Акъайланы Лидия. Бу эсгериулени окъуй, тарыхда мудахлы кюнлерибиз эсибизге шарт тюшюп къаладыла, багъалы эгечибизни хапарында халкъны харкюнлюк жашауу туура кёргюзтюлгени уа аны бизге бютюн хычыуун, бютюн жууукъ, бютюн сейир этедиле.
Страницы
|
