Ёсе келген тёлюле туугъан жерлерине сакъ болурча

Ата журтну Жигитлерине атап, Росгвардияны КъМР-да управлениясыны келечилери жаш тёлюню патриот ниетде юйретиу бла байламлы «тёгерек» столгъа къатышхандыла.

Тюбешиуню Афганистанны, урушланы бла аскер къазауатланы ветеранларыны союзу къурагъанды. Анга КъМР-де Росгвардияны къуллукъчулары бла аскерчиле органны ветеранларыны советини башчысы Руслан Хужоков, Миллетлени ишлери эм жамауат проектле жаны бла, Культура министерстволаны, Парламентни, право сакълаучу ведомстволаны, ветеран эм жамауат организацияланы келечилери къатышхандыла. Ала, бир минут шош туруп, къазауатлада ёлгенлени эсгергендиле. Сора тёлюню ёсдюрюу патриот халда юйретиу иш къалай бардырылгъаныны эсеплерин чыгъаргъандыла. Росгвардияны жер-жерли управлениясыны офицери майор Аслан Тубаев бу жаны бла иш андан ары бардырыллыгъына ышаннганын билдиргенди. Ызы бла Руслан Хужоков бла чакъырылгъан структураланы келечилери «Ёсе келген тёлюню патриот халда юйретиуге салгъан къыйыны ючюн» майдалла бла саугъаланнгандыла.

 - Жаш тёлюню аскер-туугъан жерге сюймекликде ёсдюрюу иш тохтамазгъа керекди. Аланы къарыуларын эм итиниулюклерин биз тюз жанына бурургъа борчлубуз. Ата журтубузда къуралгъан тёрелени да унутмай, аланы сабийлерибизге жетдирирге тийишлибиз, - дегенди Руслан Хужоков.