Экономика

Россей Федерацияда конкуренцияны айнытыуну  стандартыны излемлерин толтурур  муратда КъМР-ни Экономиканы айнытыу министерствосунда билим бериу семинар ётгенди.

РусГидрону Къабарты-Малкъарда бёлюмю Бахсан шахарда районну ара больницасына бир талай медицина оборудование бергендиле.

Эл мюлкде ишни къурауну бир тюрлюсю - кооперацияды. Аны баш магъанасы – бу бёлюмде уруннганла бир бирлери бла байламлыкъла къурап, сатыу-алыуну алай бардырыуду, болгъан тыйгъычланы, кемчиликлени бирлешип алай кетерирге кюрешиудю. Бу амалны эмда бизни республикада тийишли системаны къалай къураргъа боллугъуну юсюнден оюмун РАЕН-ни академиги, экономика илмуланы доктору, РФ-ни илмусуну сыйлы къуллукъчусу Пшикан Таов билдиргенди.

Озгъан жылны эсеплерини, жетишимлени, программаланы эм башха  жангычылыкъланы  юсюнден бизге Россельхозбанкны Къабарты-Малкъарда бёлюмюню таматасы Алим Сокуров хапарлагъанды.  

Севкавстатдан билдиргенлерине кёре, быйыл биринчи онбир айны ичинде Къабарты-Малкъарда промышленность производствону индекси 9,5 процентге кёбейгенди. Дагъыда жер тюбюнде байлыкъланы хайырланыу сферада 10,4 процентге айнытыу эсленнгенди, «Жарашдырыучу производстволада» уа 8,8 процент къошулгъанды. Таза суу бла жалчытыу, кир-кипчиклени жыйыу эм ташыу индекс кёп къалмай 140 процентге айныгъанды, электрокюч, газ эмда исси суу бла жалчытыу эмда хауаны тазалау а онбеш процентге азайгъанды.

Арт жыллада бизни республика Европада алчы эл мюлк предприятияла эмда билим бериу арала бла жетишимли байламлыкъла къурагъанды. Аланы хайыры бла регион саулай къыралда окъуна терек бахчачылыкъда терк айныгъан технологияланы сингдириу жаны бла алчыланы санына киргенди. Бюгюнлюкде бу бёлюмде, бютюнда быллай амалланы илму жаны бла айнытыуда не мадарла этиледиле эмда аланы айнытыу жоллары къалайды - аланы юслеринден биз Къабарты-Малкъар къырал аграр университетни илму-излем иш жаны бла проректору, эл мюлк илмуланы кандидаты Езаов Анзор бла ушакъ этгенбиз.

Талай кюн алгъа Бирлешген Араплы Эмиратланы (ОАЭ) ара шахары Абу-Дабиде аш-азыкъланы эмда суусап сууланы SIAL Middle East 2019 деген кёрмючю болгъанды. Анга 50 къыралдан мингден артыкъ компания къатышханды.

«Иш кёллю Россей» жамауат организацияны КъМР-де бёлюмюню келечиси Гузеланы Индира, республиканы Правительствосуну къыралны ара шахарында эм Москва областьда сатыу-алыу-экономика жаны бла представительствосуну башчысы Альберт Шаоев, «Горный край» жамауат организацияны таматасы Дмитрий Макаренко эм бизнесни къоруулау жаны бла ишлеген адвокат Денис Ковалёв бу кюнледе Къырал Думаны депутаты Ирина Марьяш бла тюбешгендиле.

Нальчик шахар округну жер-жерли администрациясында муниципалитетни келир эмда 2021-2022 жыллагъа бюджетини проектин сюзюу жаны бла жыйылыу бардырылгъанды бу кюнледе. Анга жамауатны келечилери, шахар Советни депутатлары, мэрияны къуллукъчулары да къатышхандыла, деп билдиргендиле аны пресс-службасындан.

Келир жылдан башлап бизни къыралда (Севастопольдан башха жерледе) адамланы жеринден тепдирилмеген мюлклерине налог аланы кадастр багъаларына кёре тергелликди, деп билдиргендиле Федерал налог службаны КъМР-де Управлениясындан.