Экономика

КъМР-ни Башчысы Казбек Коков регионланы айнытыу правительстволу комиссияны президиумуну жыйылыууна къатышханды. Ол РФ-ни Правительствосуну Председателини орунбасары Марат Хуснуллинни башчылыгъында бардырылгъанды.

Бюгюн Россей Федерацияны Правительствосуну бегими басмаланнганды, анга кёре регионланы жолларында къурулуш ишлени бардырыргъа 120 миллиард сом бёлюнюрюкдю. Къабарты-Малкъар Россей Федерацияны «Транспорт системаны айнытыу» къырал программасына кёре эм «Регионланы, муниципалитетлени арасында эм жер-жерли автомобиль жолланы айнытыугъа себеплик этиу» федерал проектни чеклеринде 300 миллион сом аллыкъды, деп билдиргендиле республиканы оноучусуну пресс-службасындан.

«Россети Шимал Кавказ» компанияны Къабарты-Малкъарда бёлюмюнде оператив ишчини Кюнюн бардыргъандыла. Анга районлада эмда шахарлада электросетьлени, подстанцияланы жумушларына къарагъан службаланы, къоркъуусузлукъну жалчытхан эмда токну чыгъарыугъа контроль этген бёлюмлени келечилери къатышхандыла.

«Россети Шимал Кавказ» компания кесини быйыл биринчи кварталгъа белгилеген ремонт программасын кёп къалмай эки кереге артыгъы  бла толтургъанды.

КъМР-ни Правительствосуну Председатели Мусукланы Алий эм КъМР-ни экономика айнытыу министри Рахайланы Борис видеоконференция халда РФ-ни Къырал советини экономика соруула эм жангы коронавирус жукъгъан аурууну жайылыууна къажау ишчи къауумну жыйылыууна къошулгъандыла. Аны ишчи къауумну таматасы Сергей Собянин эм РФ-ни Правительствосуну биринчи вице-премьери Андрей Белоусов бардыргъандыла. Аны юсюнден КъМР-ни Экономиканы айнытыу министерствосундан билдиргендиле.

РФ-ни Эл мюлк министерствосу аш-суу къоркъуусузлукъну жалчытырча мындан арысында да  производствону ёсдюрюрге таукелди.  Ол шарт импортну алышындырыугъа да себеплик боллукъду. Аны юсюнден бизге КъМР-ны Эл мюлк министерствосундан билдиргендиле.

Шимал Кавказстатны эсеплерине кёре,   быйыл Къабарты-Малкъарда  январь-февраль айлада татлы ашарыкъладан 1,7 минг тонна чыгъарылгъанды. Ол былтыр бу заман бла тенглешдиргенде 7 процентге кёпдю. 

 Казбек Коков «Жер-жерлени айнытыуну фонду» жамауат-праволу компанияны  попечитель советини таматасы Сергей Степашин эмда ол компанияны баш директору Константин Цицин бла тюбешгенди. Ала экиси да республикагъа иш бла келгендиле

КъМР-ни Башчысы Казбек Коков Москвада «Эко-культура» агропромышленость холдингни президенти Александр Рудаков бла ишчи тюбешиу бардыргъанды.

Тюбешиуню кезиуюнде Къабарты-Малкъар Республиканы жеринде Шимал Кавказда эм уллу теплица комплексни ишлеу бла байламлы соруула сюзюлгендиле, деп билдиргендиле республиканы оноучусуну пресс-службасындан.

Быйылгъы жылны аллындан бери Россельхозбанкны Къабарты-Малкъар Республикада бёлюмю регионну  эл мюлкде уруннганларына 114 миллион сомну ёнкючге бергенди. Аладан 30 миллионун, башхача айтханда, 26 процентин  агропромышленность комплексде ишлегенле льгота халда алгъандыла, деп билдиреди финанс учрежденияны республикада пресс-службасы.