Экономика

Быйылны ахырына дери Россейде он эмда беш сомлукъ къагъыт ахчаланы жангыдан чыгъарып башларгъа сюедиле. Ара Банкда айтханларына кёре, ол тёре къайтса, шёндюгю темир онсомлукъланы чыгъарыугъа къоранчла азайтыллыкъдыла.

КъМР-ни Эл мюлк министерствосундан билдиргенлерича, промышленный халда  кёкшуу ёсдюрген мюлкле, орта эсеп бла алып айтханда, быйыл 2,5-3 процентге аслам тирлик аладыла.

КъМР-ни Промышленность, энергетика эмда сатыу-алыу министерствосунда айтханларына кёре, Черек гитче ГЭС-ни къурулушун бардырыргъа хар неда хазырды. Аны бла специалистле объектлени сюеп башлагъандыла. Эсге сала айтсакъ, станцияны къурулушу былтыр ноябрьде башланнганды. Ол замандан бери алайда жолла ишленнгендиле, электрокюч тартылгъанды, башха жумушла да тамам этилгендиле. Ишчиле мекямланы мурдорларын жарашдырадыла, станцияны деривация каналы боллукъ жерде ётген газ быргъыны да башха жанына кёчюре турадыла.

Бахсан шахар округну тийресинде мюлкледе тирлик жыйыу къыстау барады. Муниципалитетни жер-жерли администрациясында айтханларына кёре, быйыл анда кюзлюкле 2235 гектарны аладыла. Ол санда 1814 гектары аллай будайды, къалгъаны уа арпады. Аланы асламысын ёсдюрюу бла Шогенцуков атлы эл мюлк кооперативде эмда «Заря» ООО-да кюрешедиле.

Нальчикни сют заводу жууукъ заманда жангы къурулушну башларгъа мурат этеди. Ол хайырланыргъа берилсе, предприятияны бир кюннге сют сатып алгъаны бла производство кючю 350 тоннадан 900 тоннагъа дери ёсерикди.

Северо-Кавказстат билдиргеннге кёре, Къабарты-Малкъарда тюрлю-тюрлю иеликлери болгъан эл мюлк товар чыгъарыучула озгъан беш айны ичинде продукцияны 3,5 процентге кёбейтгендиле, 2021 жылны январь-май айларыны кезиую бла тенглешдиргенде.  

РФ-ни эл мюлк министри Дмитрий Патрушев къырал Думаны аграр вопросла жаны бла Комитетини келечилери бла тюбешгенде, Россей Федерацияда эл мюлк производствону, агропромышленность комплексге себеплик этиуню, тюрлю-тюрлю бёлюмледе импортну алышындырыуну, эл мюлк тийрелени айнытыуну юсюнден сёлешгенди.

Кёп болмай РусГидро компанияны Къабарты-Малкъарда бёлюмю гитче Черек ГЭС-ни къурулушун башлагъанды. Бюгюнлюкде специалистле аны мурдорун хазырлап  кюрешедиле.  Ол «Россейде жангыртылыныргъа жарагъан энергетиканы айнытыу» къырал программагъа кёре бардырылады.

Кёп болмай РФ-ни Президенти Владимир Путин Къырал Советни президиумуну кенгешинде къурулуш эм жашау журт-коммунал мюлк бёлюмлени 2030 эмда 2035  жыллада айнытыуну стратегиясыны юсюнден айтханды.

Кеслери алларына иш къурагъанла налог тёлеп башлагъанлы, бизни къыралда юч жылдан артыкъ болады. Ал кезиуде аны сынам халда талай регионда хайырланнгандыла, буруннгу жылда уа анга саулай Россейде кёчгендиле. Ол кийирилген кюнден башлап кеслери алларына иш къурап эсепге сюелген инсанланы саны тёрт миллиондан атлагъанды. Алагъа таплыкъгъа деп къырал жангы амалла къурай барады. Бу материалда арт жылны ичинде аладан къайсылары чыкъгъаныны юсюнден айтайыкъ.