Календарь событий

Прохладна районда Солдатское эмда Псыншоко элледе жашагъанланы  таза суу бла жалчытыу иш барады. КъМР-ни Эл мюлк министерствосундан билдиргенлерине кёре, «Эл тийрелени комплекс халда айнытыу» деген къырал программаны чеклеринде аланы экисинде битеу да тёрт километр быргъыла орнатыллыкъдыла.

 Бахсан  районну  эл мюлк предприятиялары   малчылыкъ бла байламлы продукция чыгъарыуда бирси жылладан жетишимли болгъандыла,  деп билдириледи КъМР-ни Эл мюлк министерствосуну пресс-службасындан.

«Иш кёллю Россей» жамауат организацияны Къабарты-Малкъарда бёлюмюню башчысыны экинчиси Елена Давыдова алгъаракъда «Лотос» саулукъландырыу араны таматасы Габоланы Елена бла тюбешгенди. Ала сагъынылгъан организацияны келечилери эмда ким сюйсе да къатышыргъа боллукъ йога-кюнню бардырыуну юсюнден сёлешгендиле.

Россей Федерацияны Къырал байрагъыны кюню жыл сайын 22 августда белгиленеди. Ол кюн Къабарты-Малкъар Республика да къошулады байрамлагъа.

Нартанда Маданият юйню къурулушу тохтаусуз барады, деп билдиргендиле республиканы Къурулуш, жашау журт–коммунал мюлк министерствосундан. Ведомствода айтханларыча,  бу иш «Къабарты-Малкъар Республиканы культурасы» деген къырал программаны эмда «Культура болум» федерал проектни чеклеринде бардырылады.

– Умутунга жетер ючюн, арысанг да, барып турургъа керексе, – деучю эди таукел атасы.

Тарыхны дерслери

Томскда жашагъан Денис Карагодин энкавэдэшникле барысы да малгъунла, репрессиягъа тюшгенле уа мёлекле болгъанларын ачыкълайма дегенди да, кесине тапсыз келген шартлагъа тюбегенди.

Культураны бла искусствону жаш тёлю ишчилерини «Таврида-АРТ» форуму эм Росмолодёжь федерал агентство кезиулю сменни – кинону бла анимацияны антишколасыны – эсеплерин чыгъаргъандыла. Х.М. Бербеков атлы Къабарты-Малкъар къырал университетни анимация студиясыны таматасы Булат Бербековну «ADIN.PRO анимацию»проекти грант конкурсну  финалына чыгъып 454 000 сом  себеплик алгъанды. Аны юсюнден бизге КъМКъУ-ну пресс-службасы билдиргенди

Жууукъ заманда Россейде жалгъан промышленный, аш-азыкъ продукцияны чыгъаргъанланы уголовный жууапха тартып тебирерикдиле. Аланы адамны саулугъуна заранлары болмаса да, производительлени неда тюрмеге олтуртурукъдула неда уллу тазир тёлетирикдиле. Кодексге бу тюзетиулени Роспотребнадзор МВД бла бирге жарашдыра турады, ызы бла ала Къырал Думаны къараууна ийилликдиле, деп билдиреди «Московский комсомолец-Кавказ» газет.

Хорламны солдатлары

Каракетланы Кёккюзню жашы Юнус Къарачай-Черкесни Джегута элинде туугъанды, артда Элтаркъачда жашагъанды. Уруш башланырдан алгъа аны аскерге чакъырадыла. Ол Запад Белоруссияны Польша бла чегинде къуллукъ этгенди, полковой школну жетишимли бошап, сержант чын да алып, алгъа бёлюмню таматасы, ызы бла мараучуланы взводуну командирини болушлукъчусу болуп тургъанды. Ол къуллукъ этген батальон кирген 17-чи танк Забайкал дивизиягъа Молодечно шахарны къатында гитлерчи аскерле бла сермешге уруш башланнган экинчи кюн окъуна кириширге тюшгенди. Душман кёп кереге кючлю болгъаны ючюн бизникиле уллу къоранчла бла  артха туракъладыла.

Къама – жаланда сауутха саналып къалмайды, ол кесини иесини даражасын, кючюн да кёргюзтеди. Бурун ёмюрледе быллай сауутланы кёбюсюнде энчи атлары окъуна болгъанды. Бирлерини хапары ол кезиуледен бери окъуна эшитиледи. Алай бла ортанчы ёмюрледе Европада айтхылы къамала къайсылары болгъанларыны эмда аланы иелерини юсюнденди бу хапар.

Къабарты-Малкъарны Эл мюлк министерствосунда озгъан жети айгъа адамланы беш мингден аслам жумушларына къаралгъанды. Аланы кёбюсю субсидия эм  грантла бериу бла байламлы болгъандыла, деп билдириледи КъМР-ни Эл мюлк министерствосуну пресс-службасындан. 

Россейни МВД-сыны Прохладныйдеги муниципалла аралы бёлюмюне 32-жыллыкъ чеченли жаш тарыгъып келгенди. Ол айтханнга кёре, бери къонакъгъа келип тургъанлай, эки жаш бла танышханды. Ала андан керекли жерлерине элтирин тилегендиле. Аланы  элтип бара тургъанда, жолда тохтап, бир кесекге бир жанына кетгенлей, жашладан бири аны машинасын сюрюп кетгенди.

Адамны эм уллу байлыгъы – аны саулугъуду. Бу оюмну тюзлюгю аз да ишеклик туудурмайды. Саулукъну сакълар ючюн, кёп тюрлю амалла бардыла. Алай аладан эм магъаналысы, хайырлысы да, баям, физкультурады. Анга шагъатлыкъгъа бизни ёмюрню, бурун цивилизацияланы да тёрелерин келтирирге боллукъду, хар миллетлени кеслерини энчи методикалары болгъанды. Аланы барысын да уа бир жорукъ бирикдиргенди – инсаннга ауруулагъа хорлатмазгъа, хомух, эринчек болмазгъа дайым къымылдаргъа, ишлерге керекди. Анга уа, бек биринчи, физкультура юйретеди.

Жай кюн терезени жылтыратып, кёз къаматады. Алай эрттен, ингир а сууукъ хауасы бла къоркъута башлагъандыла. Жюреги къайгъылы болуп, сакълайды келе тургъан къачны Рахийма. Сюймейди жылны бу заманын ол. Кёп тас этгенди кюзледе. Къадарны жерде жазылмагъанын, аны жаз бла, къыш бла да иши болмагъынын эсине алыргъа сюймейди ол.