Гёжеф Аттасауланы Рамазан эркин тутушууда жетишимлери бла белгилиди. Ол Аттасауланы Юсюпню бла Жаннаны юйюрлеринде туугъанды, сабийлиги эки къоншу элде – Къашхатауда бла Бабугентде – ётгенди. Бюгюнлюкде таулу жаш окъууун, жарауун да Америкада бардырады. Къыралны ичинде болгъан эришиуледе, халкъла аралы турнирледе да алчы жерлеге дайым чыгъады. Спортха жолу уа мында башланнганды.

Республиканы Спорт министерствосу билдиргенине кёре, бу кюнледе Владикавказда мас-рестлингден «Мамыр  Кавказ» деген битеуроссейли маданият - спорт фестиваль бардырылгъанды. Ары СКФО-ну битеу округларындан 100 спортчу къатышханды.

Республиканы Спорт министерствосу билдиргеннге кёре, бу кюнледе Грозный шахарда дзюдодан СКФО-ну биринчилиги ётгенди. Ары округну битеу субъектлеринден 300-ден аслам спортчу къатышханды.
 

Айдар 2013 жылда Кючмезланы Азрет бла Холамханланы Тахирни къызы Зухраны юйюрлеринде туугъанды. Бусагъатда Нальчикни 8-чи номерли школунда окъуйду, къатыш единоборствола (ММА) бла алты жылындан Жантуудуланы Азаматда кюрешеди. Спортну бу тюрлюсюн Айдар бошдан сайламагъанды – эки жылдан алты жылгъа дери аны атасы къоркъакъ болмасын деп кеси билгенине юйретген эди. Алты жылында уа Жантуудуланы Азаматха «Эльбрус» спорт клубха тренерликге бергенди.

Жаш спортчу Гайыланы Омар дзюдода жетишимлери бла белгилиди. Спортну бу тюрлюсю бла он жылында тренерле Дмитрий Ивановда бла Анзор Апхудовда кюрешип башлагъанды.    

Спортну кюч тюрлюлеринде Тетууланы Жамалны жашы Камил жетишимли болгъанды, Россейни спортуну усатысыны нормативин толтургъанды. 

Республиканы Спорт министерствосундан билдиргенлерича, Чеченни ара шахары Грозныйде Олимпиадагъа хазырланыуну Владимир Путин атлы арасында дзюдодан Россейни клуб чемпионаты бардырылгъанды. 

Ессентуки шахарда тхэквондону ВТФ тюрлюсюнден «Шимал Кавказны кубогу» деген битеуроссей эришиу къуралгъанды, анга къыралны жер-жерлеринден умутландыргъан спортчула къатышхандыла.

 Нальчикде бла Баксанёнок элде женгил атлетикадан «Алтын кюз» деген аты бла регионла аралы эришиуле къуралгъандыла. Алагъа бизни республиканы, Къарачай-Черкесни, Шимал Осетияны бла Ставрополь крайны спорт школларындан 500-ден аслам адам къатышхандыла.

МВД-ны борчларын толтура ёлген къуллукъчуларыны хурметлерине  каратеден регионла аралы турнир ётгенди. Эришиуге Ставрополь крайдан, Кърымдан, Къалмукъдан бла бизни республикадан 180-ден артыкъ спортчу къатышхандыла.