Спорт

Республикада арт кезиуде жангы турист маршрутла къураладыла, жолла тапландырыладыла, туризм инфраструктура айнытылады. Ол барысы да адамланы солууларын Къабарты-Малкъарда ётдюрюрге кёллендиреди. Курортла эм туризм министерстводан билдиргенлерине кёре, быйылны жангыз да биринчи жарымында регионда 500 мингден аслам турист солуп кетгендиле.

Билдиргенибизча, бюгюнлюкде спортну жай тюрлюлеринден Битеуроссей спартакиадала ётедиле. Алада дзюдочу жашыбыз Мисирланы Исмайыл бла Локияланы Жамболат жетишимли болуп, бизни «алтын» эм «кюмюш» бла къууандыргъандыла. Орта кюнню ингиринде уа Къазан шахардан энтта да  бир иги хапар келгенди. Арт жыллада атын иги бла айтдыра келген гёжефибиз Россейни эки кере чемпиону Шауаланы Малик эришиулени финалына чыкъгъанды.

 Назраньда самбодан жашланы араларында «Кубок Чингиз» деген аты бла битеуроссей эришиу къуралгъанды, анга бизни республикадан Бахсанны спорт школуну келечилери къатышхандыла. Ала, алты алтын, тёрт кюмюш эм он доммакъ майдал къытып, битеукоманда эсепде биринчи жерни алгъандыла.

 Кеслерини ауурлукъ къауумларында Мухамед Жиляев, Къудайланы Ислам бла Беслан, Темирлан Каншоев, Темирлан Кочесоков, Кантемир Лотоков хорлагъандыла, хорламгъа итиниулюгю ючюн энчи саугъагъа Муса Бесланеев тийишли болгъанды. Спортчуланы тренерле Мурат Пченашев бла Султан Карамышев юйретедиле. 

 Физкультурникни кюнюне аталып, Нальчикде баскетболдан «Оранжевый мяч» деген эришиуле бардырылгъандыла. Турнирни республиканы Спорт министерствосу, бБаскетболдан федерациясы эм спортну бу тюрлюсюнден экинчи номецли школ къурагъандыла. Анга аслам команда – 180 адам – къатышхандыла.

Бахсанда регбиден тёрели эришиу бардырылгъанды, ол спортну бу тюрлюсюню ветераны Михаил Суановну хурметине аталгъанды. Эришиуню шахарны администрациясы, «регбиги Цюг» академиясы бла республикалы федерациясы къурагъандыла.

Таулада чабыуну сюйгенле Минги тауда онунчу «Alpindustria Elbrus Rase» фестиваль бардырылгъанды. Республиканы курортда эм туризм министерствосундан билдиргенлерича, анга 1400-ге жууукъ адам къатышханды.

Гёжефлерибиз, тюрлю-тюрлю эришиулеге къатыша, жетишимлери бла дайым къууандырадыла. Спортда хорламлары бла бирге ала окъуучуларында, ишлеринде да ахшы юлгю кёргюзтедиле. Бу материалда аланы талайыны юсюнден билдирирге сюебиз.

Августну биринчи жарымында Шхельда лагерьни мурдорунда «Къоркъуусузлукъну школу» жаш тёлю билим бериу проектни чегинде башланнган альпинист хазырланыуну курсу бардырылгъанды. Анга Къабарты-Малкъарны окъуучуларындан сора да, Орус география обществону 8 региондан бёлюмлерини келечилери къатышхандыла. Къыралны жер-жерлеринден битеу да 200 заявка келгенди.

Мёчиланы Маликни жашы Магомет Хасания элни 16-чы номерли орта школунда физкультурадан устаз болуп ишлейди. Кеси да устаз юйюрденди. Атасы Малик, жаннетли болсун, кёп жылланы школгъа директорлукъ этип, бет жарыкълы ишлеп тургъанды. Анасы Любовь а кёп сабийни орус тилни бла адабиятны сейир дунияларына тюшюндюргенди. Бусагъат заманда аланы элде ариу сёз бла эсгередиле.

Тырныауузда, саулай Элбрус районда да физкультурагъа не заманда да уллу эс бёлюннгенди. Шахарда «Геолог» эм «Бахсан» спорт комплексле ачылгъанлы уа жарау этерге сюйген сабийлени, абаданланы да саны бютюн кёп болгъанды. Ала спорт заллагъа къарыу алыр, саулукъларын кючлер муратда келгендиле. Алай аланы асламысы эришиулеге къатышыргъа, жетишимли болургъа итиннгенледиле.

Бюгюнлюкде Тырныауузда олимпиада резервли эки спорт школ ишлейди, районну эллеринде аланы бёлюмлери ачылгъандыла. Жараулагъа жюрюгенлени саны 1800-ге жетеди.