Окъуучула жерле бла тынгылы жалчытылынырча

Бу кюнледе Къабарты-Малкъарны бир къауум жеринде  мектеплени къурулушу барады. Ол санда  Чегемде бла Бахсан шахарлада да ишле къыстаудула. Биринчисинде мектеп битсе  анга 800 сабий жюрюрюкдю. Ол  «Билим бериуню айнытыу» къырал программагъа кёре бардырылады.

Проектге кёре, ол бирге  къошулгъан  бир къауум   корпусдан къураллыкъды.  Аны классларындан тышында, уллу залы, ашханасы, эки спорт залы, жалгъан кырдыгы бла топ ойнаучу майданы, резин кюйюз жасалгъан  чабыучу жолчукълары да боллукъду..

Объект келир жыл декябрьге битерикди.  

Бахсанда да «Билим бериу» миллет проектге кёре,  уллулугъу 22 минг квадрат метрден атлагъан мектепни сюеп кюрешедиле. Ол тёрт блокдан къуралады эм 1500 окъуучуну жерле бла жалчытырчады.  Алада классла, ашхана, столяр, слесарь эм тигиучю  мастерскойла, жыйылыула бардыргъан эм эки спорт  зал ишленирикди.  Келир заманда арбазында  физкультурадан жараула бардырырча,   футбол,  баскетбол, волейбол эм теннис ойнарча мадар  этилликди.

Мектеп келир жылны  ахырына битерге керекди.