Къырал жумушланы порталы солууда да хайыр келтирликди

Бу къырал порталны (gosuslugi.ru) юсюнден эшитмеген, билмеген хазна адам къалгъан болмаз. Анда къадар тюрлю жумушну тамамларгъа, заявленияла берирге, документле жарашдырыргъа болады. Юйде, ишде угъай, солууда да кесигизге хайырлы зат табарыкъсыз анда. Къаллай амалла болгъаныны юсюнден айтайыкъ.

Профильге энчи документлеригизни къошугъуз

- Паспортну. Ортакъгъа фатар неда жашар жер алгъанда, сора дагъыда бу документ тас болса, керек жерде аны кёргюзтюрге жарарыкъды;

- ОМС полисни. Аны хайырындан башха регионда медицина болушлукъну терк алыргъа боллукъду.

Тышына эркин чыгъарча

- Абериге борчугъуз болуп, аны юсю бла приставлада иш ачхан эселе, тыш къыраллагъа чыгъаргъа къоярыкъ тюйюлдюле. Ахчаны тёлегенден сора ол чеклениуню эки кюнню ичинде тешерикдиле.

Медицина документле

- Башха жерде солугъан кезиуде адамны эрттеден бери созулгъан аурууу жангыдан къозгъалса, алгъын этилген тинтиулени бу порталгъа кирип алыргъа боллукъду эмда ызы бла анда врачлагъа кёргюзтюрге.

Жолну багъасын къайтарыргъа

- Солургъа баргъан инсан жолуну багъасын къайтарыргъа боллукъду. Алай бу онг жаланда шимал регионладан (ишлемеген) пенсиячылагъа бериледи. Аны кесин да бир жылгъа эки кере хайырланыргъа жарайды.

Пушкин атлы картаны жарашдырыргъа

- Жыл санлары 14-22 болгъан школчула эмда студентле бу картаны жарашдырып, киногъа, театрлагъа, музейлеге эмда кёрмючлеге барыргъа боллукъдула. Алагъа башха регионлада да бериледи аллай онг.