Байыкъланыр мурат бла

25 апреля, 2024 - 12:00

Полициячыла эмен тереклени законсуз кесген инсанны тутхандыла. Къыралгъа 5 миллион сом къоранч салыннганды.

Урван районда ОМВД-ны жол-патруль службасыны къуллукъчулары профилактика жумушланы толтургъан кезиуде Черная Речканы тийресинде Лескенни агъач мюлкюн 31-жыллыкъ къуллукъчусун тохтатхандыла. Ол агъачда тереклени законсуз кесгенине ишеклик болгъан эди.

Полициячыла келген кезиуде эр киши 4 эменни кесгенди, аны битеулю ёлчеми 25 кубометрге жетеди. Тинтиуледен тохташдырылгъаныча, къыралгъа къоранч 5 миллион сомдан озгъанды.

Урван районну ОМВД-сыны следовательлери эр кишиге РФ-ни УК-сыны 260-чы статьясыны 3-чю кесегине бузукълукъла этгени ючюн терслеу материалла ачхандыла. Тинтиуле андан ары бардырыладыла.

Тикаланы Фатима хазырлагъанды.
  • 12 просмотров
Поделиться: