Суула кётюрюлюр кезиуге хазырдыла

РусГидро компанияны Къабарты-Малкъарда бёлюмюню пресс-службасындан билдиргенлерине кёре, республикада гидроэлектростанцияла суу кётюрюлюу кезиуге толу хазырланнгандыла. Алгъаракъда, бёлюмню службаларыны башчыларындан, специалистлеринден эмда Ростехнадзорну келечилеринден къуралгъан комиссия ГЭС-леге барып, хар биринде да болумну сюзгенди. 

Специалистле объектледе къоркъуулу кезиуде керек боллукъ материаллагъа, техникагъа эм оборудованиягъа къарагъандыла. Ишчиле да тийишли инструктажны ётгендиле. «Быллай къоркъуулу кезиуледе ГЭС-лени тохтаусуз ишлерча амал этерге керекди. Ол бизни баш борчларыбыздан бириди. Бизни оюмубузгъа кёре, суу быйыл майны экинчи кесегинде кётюрюлюп башларыкъды эм сентябрьге дери боллукъду», – дегендиле компанияда. 

РусГидрону республикада бёлюмю дагъыда Черек, Урван эм Бахсан районланы администрациялары бла жай кезиуде бирге ишлерге келишимле этгенди. Дагъыда власть органла, СМИ, МЧС-ни жер-жерли бёлюмлери бла да байламлыкъла къурагъанды.

Тергеулеге кёре быйылны сагъынылгъан кезиую майны ал кюнлеринде башланырыкъды, кеси да сентябрьни ортасына дери созуллукъду.