Юй къанатлылагъа керекли дарманланы бизде чыгъарыргъа боллукъдула

Юй къанатлыланы багъыуда керекли дарманланы республикада чыгъарыуну юсюнден баргъанды сёз алгъаракъда болгъан тюбешиуде. Анга КъМР-ни промышленность, энергетика эм сатыу-алыу министри Шамиль Ахубеков, ветеринария управленияны башчысы Аслан Арамисов, «КъМР-ни айнытыу Корпорация» АО-ну таматасыны экинчиси Ахмед Кодзоков къатышхандыла. Инвестициялы проектни уа Борис Харитонов (Россей) бла Григорий Шнур (Беларусь) кёргюзтгендиле, деп билдиргендиле КъМР-ни Экономиканы айнытыу министерствосундан.

Къонакъла айтханларыча, санкцияланы хатасындан быллай дарманла шёндю аздыла. Аны чыгъарыуда хайырланылгъан хар неда кесибизден боллукъду. Аны себепли производство тохтар деген къоркъуу жокъду. Вакцинагъа жаланда Россейде угъай, тыш къыраллада да табыллыкъдыла алыучула. Проектни ал кесеги юч жылны аллыкъды, завод толу кюч бла 2026 жылда ишлеп башларгъа боллукъду.

Проектни битеу энчиликлерин сюзгенден сора, Шамиль Ахубеков бизни республикада аллай производствогъа сейир уллу болгъанын чертгенди. Хар нени да ойлагъандан сора, жангыдан тюбешип, аны сагъышын алай этерге чакъыргъанды.