Иги кесек минг сабийге пособие тохташдырылгъанды

Россейни Социал фондуну Къабарты-Малкъарда бёлюмю 17 жыллары толмагъан  17 минг сабийге бир кере тёлениучю пособияны бериуню къабыл кёргенди.

Жангы пособиягъа заявленияланы бёлюм къырал жумушланы порталында 2022 жылны 28 декабринден алып башлагъанды, 4 январьдан да аланы фондну клиент службаларында толтурургъа да эркинлик берилгенди. Тёлеуле дагъыда сабий сакълагъан ауурлулукълары болгъан 700 тиширыугъа да этилликдиле. Къараугъа битеу да 26 минг къагъыт келгенди. Ахча заявленияда белгиленнген банк счётха жибериледи.

Андан тышында, 2022 жылны ахырына дери юйюрге биринчи туугъан 300 балагъа да пособияла берилгендиле. Бусагъатда ол тёлеу жангы жорукълагъа кёре тохташдырылады. Алай, сабий 2023 жылгъа дери туууп, ата-анала бир тюрлю сылтау бла алыкъа ол ахчаны алмагъан эселе, алгъыннгы жорукъланы хайырланыргъа онг бериледи, башхача айтханда, аны тергегенде юйюрню файдасы саналлыкъ тюйюлдю.

Жангы пособие болушлукъ керекли юйюрлеге алгъа этилген себепликни беш тюрлюсюню орунунады. Анга 3 жыллары толмагъан биринчи эм ючюнчю сабийге эки экиайлыкъ тёлеу, 3-8-жыллыкъ эм 8-17-жыллыкъ сабийлеге эки экиайлыкъ тёлеу, баладан ауурлугъу  болгъаны ючюн ай сайын берилиучю тёлеу киредиле. Бир кереге берилиучю пособие файдалары регионда адамгъа жашау этерге керекли ахчаны эм аз ёлчемине жетмеген юйюрлеге тёленеди. Андан сора да, сабийле, ата-анала да Россейни гражданланы болургъа эм дайымда къыралда жашаргъа тийишлидиле. Тёлеуню тохташдыргъанда юйюрню файдасына, болгъан мюлкюне, ата-ананы ишлегенлерине бла къалгъанларына да къараллыкъды.