Республикада жашагъанла алтынны сатып алыргъа ёчдюлеОзгъан жылда Россельхозбанкны Къабарты-Малкъар Республикада бёлюмю багъалы темирледен этилген 191 ахча сатханды, аладан 29 кюмюш эм 162 алтындыла. Бу кёрюмдю буруннгу жыл бла тенглешдиргенде 3 кереге кёпдю. Андан сора да, республикада жашагъанла былтыр банкны бёлюмюнде багъалы темирден этилген 191 ахча, ол санда 61 «Георгий Победоносец» алтын монета эм 130 тюрлю-тюрлю кюмюшден этилген багъалы затланы сатып алгъандыла. Бюгюнлюкде финанс учрежденияда ауурлукълары бир граммдан тебиреп жюз граммгъа дери жетген алтын эм кюмюш токъмакъла бардыла. Хар сатылгъан алтыннга тийишли номер эм аны качествосуна кёре къагъытла бериледиле. Андан сора да, банкны бёлюмюнде Россейни Банкы эм тыш къыралла жиберген сексеннге жууукъ эсде къаллыкъ эм инвестициялы ахчаланы сатып алыргъа онг барды. «Финанс биригиуню интернет-тюкенинде инвестициялы эм эсде къаллыкъ ахчаланы толу тизмелери барды, алыргъа сюйгенле заказ этерге боллукъдула. Сагъынылгъан жерде инсанла кеслерине керек тюрлю-тюрлю билдириуле бла да шагъырейленирикдиле», - деп билдиргенди Россельхозбанкны Къабарты-Малкъар Республикада бёлюмюню таматасы Алим Сокуров.
Поделиться:
Читать также:
26.04.2024 - 16:59 →
Хар усталыкъны да кесини жашырынлары бардыла
26.04.2024 - 14:51 →
«Къыйын болумлагъа тюшген сабийлеге болушлукъ этиу баш борчларыбыздан бириди»
26.04.2024 - 14:49 →
Элни аллында ыспасха, хурметге да тийишли бола
26.04.2024 - 09:45 →
Эл айнытыуну жолу бла барады
25.04.2024 - 17:45 →
«Тизгинсизликди аланы жайылыуларыны баш сылтауу»
| ||
