Кемчиликлени терк кетерир мурат бла

 Энчи аскер операциягъа къатышханланы эм аланы юйюрлерин право жаны бла къоруулау, мобилизацияны къурау эм бардырыу вопросланы сюзюу жаны бла ишчи къауумгъа «Единая Россия» политика партияны Генеральный советини секретары Андрей Турчак башчылыкъ этгенди. Къауум мониторинг этиу бла кюреширикди.

«Борчуна кёре, бу къауум Президентни бла алчыланы араларында байламлыкълы тохташдырыу мурвт бла къуралгъанды. СВО-гъа къатышханланы юйюрлери да тийишли болушлукъ тапханларына бла къалгъанларына энчи эс бёллюкдюле. Дагъыда андан къайтхандан сора мамыр жашауну кезиуюнде да алагъа энчи онгла къуралырча, кезиулени закон бла тохташдырырча вопросланы да кётюрлюкдюле», - деп билдиргенди Андрей Турчак.

Парламент координат къауумгъа Федерал парламетни эки палатасыны, парламент партияланы, Къоруулау министерствону келечилери, жамауат организацияланы башчылары эм белгили аскерчи корреспондентле киргендиле.

- Битеу бу адамла энчи аскер операцияны аллындан бери аны бла байламлы битеу жумушла бла кюреше келгендиле. Аскерчилени кеслери, юйюрлери бла да тюбешгенлей турадыла. Аскерчи журналистле да хер нени да кеси кёзлери бла кёрген адамладыла, деп чертгенди ол.

Бу къауум мобилизацияны къарау жаны бла туугъан битеу вопрослагъа жууап берликди. Буи ш къалай2 къуралып бардыргъанын контрольда тутарыкъды. Андан тышында да, жаш тёлюню патриот сезимде юйретиуге да аслам эс бёллюкдюле. Ай сайын а тамамланнган тшлени юслеринден Президентге отчёт этилликди.

- Ишибизни баш борчу – болгъан халатлагъа эс буруп, аланы терк кетерирча онгла къурауду. Кемчиликле бардыла. Аны себепли бу ишге жюреги бла жарсып, хайыр келтирликме деген адамланы да кеси къауумубузда кёрюрге ыразыбыз, - дегенди Андрей Турчак.

-Къырал таматагъа тынгылы эм керти информация алыу бек магъаналыды. Алчылагъа, аланы юйюрлерине Россейни Президенти жюреги бла жарсыйды. Алагъа этилген болушлукъ атап эм заманында тапдырылырча этиуню жалчытыу мурат бла къуралгъанды бу парламент координация къауум да. Тохтаусуз мониторинг этиу кемчиликлени ачыкъларыкъды. Бу къауумгъа киргенле уа ол жаны бла ишни къалай къураргъа кереклисин биледиле. Аскерчиле бла да тюбешип турадыла. Битеу быллай хар жумуш да Хорламны къаршылаугъа себеплик этеди, - деп белгилегенди Къырал Думаны КъМР-дан депутаты Виктория Родина Kabardin-Balkar.ER.ru