Алыучулагъа, сатыучулагъа да тап болурчаЭлбрус районну Терс-Къол тийресине барып, Азау талада кеси аллына ишленнген, ууакъ-тюек затла сатхан тюкенчиклени, базарчыкъны да жокъламагъан, андан абери алып кетмеген хазна адам болмаз. Анда сатыу этгенле жайда исси кюнню тюбюнде, къышда уа сууукъда тура эдиле. Анга элтген жолну да къышда буз басып, атлар онг болмай, къыйналыргъа тюшгенди. Ол кемчиликлени эсге алып, «Шимал Кавказны курортлары» акционер общество, базарны алайдан кетерип, алгъын машинала тохтаучу жерде орнатыуну дурус кёргенди. Анга деп майдан тюзетилгенди, тёгерегинден ташла тюшмезча, зыгъыр да акъмазча мадарла этилгендиле. Мияладан, темирден эмда композит материалладан ишленнген сатыу-алыу жерле ол тийре кёзге хычыуун кёрюнюрча ишленнгендиле.Къурулушчула айтханнга кёре, аланы ичлери жарыкъды, жайда салкъын, къышда жылы боллукъду. Хар сатыу-алыу этген жерни кесини номери барды. Базар жууукъ заманда ачыллыкъды.
Поделиться:
Читать также:
26.04.2024 - 16:59 →
Хар усталыкъны да кесини жашырынлары бардыла
26.04.2024 - 14:51 →
«Къыйын болумлагъа тюшген сабийлеге болушлукъ этиу баш борчларыбыздан бириди»
26.04.2024 - 14:49 →
Элни аллында ыспасха, хурметге да тийишли бола
26.04.2024 - 09:45 →
Эл айнытыуну жолу бла барады
25.04.2024 - 17:45 →
«Тизгинсизликди аланы жайылыуларыны баш сылтауу»
|