Назарбаевни таулу шуёху

Сабийликлеринде Къазахстанны шёндюгю президенти Нурсултан Назарбаев бла  Хаджиланы Хусей шуёхлукъ жюрютгенлерини юсюнден  эшите тургъанбыз. Республиканы алгъыннгы президенти кесини жашаууну юсюнден  эсгериулеринде да жазгъанды таулу шуёхуну юсюнден.

Аны китабына кёре,  70-жыллыгъына фильм салыргъа дегенлеринде, таулу жашны  ойнарыкъ актёр керек болгъанды.  Ма  Хаджиланы Хусейни туудугъу (къызындан  туугъан) Этезланы Азамат ол кезиуде Алма-Атада болады да, аппасыны жаш заманында сыфатын къураргъа аны чакъырадыла. Иш а неден башланнганды? Азамат школну бошай туруп, аны атасыны къарындашы Къурман Нурсултан Назарбаевни аппаратына къагъыт жазгъанды. Андан а  чакъырыу  келгенди. Алай бла Азамат  Алма-Атада Аль-Фараби атлы миллет университетге тюшгенди.

 «Небо моего детства» деген фильм салынып башлагъанда уа, Алма-Атада къарачай-малкъар маданият арагъа «Къазахфильмден» келип, Хаджиланы Хусейни ролюн ойнарыкъ жашны излегендиле. Анда билдиргендиле Хажи улуну туудугъу шахарда болгъанын да. Алгъа Азаматны суратха алып кетип, режиссёргъа кёргюзтгендиле, артда жаш сайлауладан  ётгенди.

Хаджиланы Хусейни бла Нурсултан Назарбаевни шуёхлукъларыны юсюнден белгили коллекционер Хаджиланы Даниял да жазгъанды.