Чегетде – сейир тюрсюнлю кёлКъабарты-малкъарны Курортла эм туризм министерствосу республикабызны ариу жерлерини юсюнден дайым эсгерте турады. Алай бла бу жол сёз «Донгуз орун кёлню» юсюнден барады. Ол Элбрус районда Чегет тауну къыбыла-кюнчюгъыш этегинде 3100 метр бийикликде орналгъанды. Чыранладан эрип келген суу алайны толтургъанды, алада болгъан тюрлю-тюрлю минералла уа кёлге сейир тюрсюн бергендиле. Кёл табийгъат эсгертмеге саналады, анга жаяу жетерге боллукъду. Аны тийресинде буквица, чабер, шалфей бла аз тюбеген къара тюльпан ёседиле. Кёлге Донгузорун бла Медвежий суула саркъады, андан узунлугъу жангыз 5 милометр болгъан Донгуз-Орун-Баксан суу чыгъады, ол артда Бахсан черекге къошулады.
Поделиться:
Читать также:
27.04.2024 - 10:42 →
Онг тапдырыр орунуна...
27.04.2024 - 10:41 →
Аскерчи, актёр, ата...
27.04.2024 - 10:30 →
Таркъаймазлыкъ насып
27.04.2024 - 10:28 →
Къабарты-Малкъар Республиканы Башчысы К.В.Коковну Россейли парламентаризмни кюню бла алгъышлауу
27.04.2024 - 08:50 →
«Сабийле кеслери араларында байламлы, бир бирге къаршыракъ болурларын сюеме»
|