Кезиулю продукцияны жарашдырыргъа хазырдыла

Къабарты-Малкъарны консерва  заводлары «Россейде  мелиоратив  комплексни айнытыу» деген ведомстволу  программаны чеклеринде  суу чачдыргъан машинала къоллу болгъандыла,  деп билдириледи КъМР-ни Эл мюлк министерствосуну пресс-службасындан.  

Былтыр окъуна Нальчикни «Зелёная компания», «Агро-07», «Овощи Юга» консерва заводлары 1,8 минг гектарда  тахта кёгет бахчалыкъланы сугъарырча  суу чачдыргъан машиналаны хайырланып тебирегендиле. Бюгюнлюкде предприятиялада сырьёну жарашдырырча  оборудованияларын, инженер сетьлерин эм коммуникацияларын   хазырлайдыла.  

Саулай айтханда, быйыл республиканы жарашдырыучу комплексинде  тахта кёгетледен бла жемишледен  былтырдан эсе аслам тирлик алыргъа, анга кёре консерваланы хар тюрлюсюнден да  350 миллион  банка чыгъарыргъа муратлыдыла.

Магометланы Сулейман.
Поделиться: