Агъачны къыргъанланы - къаты жууапха

Бизни къыралда агъачланы эркинликсиз къырыу  бу мюлкде бек уллу проблемалагъа келтирген жарсыулу ишледен бириди дерчады. Аны  хатасындан кийик жаныуарланы, къанатлыланы саны азаяды, хауаны къурамы да тюрленеди. Аны себепли КъМР-ни Табийгъат байлыкъла эмда экология министерствосу ол жаны бла  жууаплылыкъны юсюнден къайтарып эсгертеди.
Закон бла  отун хазырларгъа  эркинлик республиканы Агъач планына эмда агъач мюлклени регламентлерине тийишлиликде бериледи.

Агъачны къолда бир тюрлю документ болмай неда ала бла белгиленнген мардасындан артыгъы бла къырыу – ол бузукълукъду. Аллайлагъа  РФ-ни  Административ бузукълукъланы кодексини  8.28-чи  статьясына тийишлиликде  тазир салынады: инсанлагъа – 3-4, къуллукъчулагъа – 20-40, предприятиялагъа бла организациялагъа – 200-300 минг сом.

Законсуз ишни кезиуюнде мюлкге беш минг сомдан артыкъгъа хата  салыннган эсе, аны этген адам уголовный жууапха тартылады. Тийишли кодексни 260-чы  статьясында айтылгъаннга кёре, ол   жети жылгъа окъуна тутулургъа  боллукъду.
Хурметли жамауат! Агъачны эркинликсиз къыра тургъанланы кёрсегиз, министерствону тийишли бёлюмюне сёлешигиз. Аны телефон номерлери ма быладыла: 8(8662)74-20-62, 74-08-85.