Алгъышлау

Къабарты-Малкъар Республиканы Башчысы К.В. Коковну Маданият ишчини кюню бла 
Алгъышлауу

Къабарты-Малкъарны хурметли маданият эмда санат ишчилери! Сизни профессионал байрамыгъыз бла жюрегимден къызыу алгъышлайма!

Бу байрам музыкантланы, артистлени, театр къуллукъчуланы, музейлени бла китапханаланы, маданият юйлени бла эл клубланы ишчилерин, республикабызны ниет хазнасын байыкъландырыугъа уллу юлюш къошханланы барысын да бирикдиреди.

Сайлагъан усталыгъыгъызгъа не тюрлю болумда да кертичилей къалгъаныгъыз, чыгъармачылыкъ хунерлигигиз бла да сиз маданият байлыгъыбызны керелеуге, халкъларыбызны тёрели адеп-къылыкъ эмда ниет хазналарын сакълаугъа эмда кючлеуге, ёсюп келген тёлюню намысха юйретиуге, жаш тёлюге Ата журтха сюймекликни, аны ючюн ёхтемлениуню сезимлерин сингдириуге себеплик этесиз, алай бла айтып-айтмазча магъаналы борчну тындырасыз.

Чыгъармачы ишигиз, фахмугъуз эмда чемерлигигиз, сайлагъан усталыгъыгъызгъа кертичилей къалгъаныгъыз, арымай-талмай уруннганыгъыз ючюн жюрек ыразылыгъымы билдиреме.

Маданият - къырал политикада магъаналы бёлюмледен бирине саналады. Бюгюнлюкде «Маданият» миллет проектни чеклеринде республикада маданият эмда санат махкемелени жангыртыу эмда айнытыу жаны бла уллу иш тындырылады. Бу бёлюмню игилендириуге мындан ары да уллу эс бургъанлай, маданиятда ишлегенлеге дайым тутхучлулукъ этилип турлукъду.

Сизни байрам бла алгъышлай, кийик саулукъ, жетишимле, монглукъ да тежейме! Бар игиликле да сизни болсунла!