Календарь событий

«Бюгюн Москвада, Кремльни Андреевский залында, РФ-ни Президенти Владимир Путин ышаннгылы адамлары бла тюбешгенди. Ол тизмеге 544 адам киреди-политика эм жамауат къуллукъчула, маданиятда, искусствода, илмуда ишлегенле эм спортчула.

Алгъаракълада «Къоркъуусуз эм тынгылы автомобиль жолла» миллет проектге кёре Бабугент – Мехлесхоз жолну жангыртып башлагъандыла. Аны чеклеринде  Мёчюланы Кязим атлы  орамны 1,4 километр тенгли бирине тынгылы ремонт этилликди. Мында эки  мектеп, межгит,  амбулатория, спорт ара, сабий сад  дегенча  социал магъаналы  учрежденияла  орналадыла. 

Огъары Малкъарда «Къоркъуусуз эм тынгылы автомобиль жолла»  миллет проектге кёре, Черек  сууну юсю бла   Мухол  микрорайоннга баргъан жангы, бёкем  кёпюр ишлене турады. Аны кюн сайын юч жюз арбаз неда мингнге жууукъ адам хайырланадыла.  Эски кёпюр 1989 жылда ишленнгенди эм  эрттеден бери тозурагъанды. Аны жангысыны узунлугъу   30 метрге жетерикди эм юсюнде бир жолгъа  эки машина бараллыкъдыла.

Арт жыллада  Къабарты-Малкъарда солургъа сюйгенлени санына танг къошула барады. Ол себепден турист  маршрутлагъа сурам уллулай къалады.  Чегем чучхурлагъа, Чирик кёллеге, Бызынгыгъа эм  башха жерлеге барыргъа сюйгенле да кёпдюле.  Аны бла байламлы  тау  жолла къоркъуусуз болурча аслам эс бурулады.   Ол санда  «Экинчи Чегем-Булунгу» жолгъа да тынгылы ремонт этиледи. Ишле болжалдан кеч къалмай тамамланырларын республиканы Башчысы дайым контрольда тутады.  

РФ-ни ФСБ-сыны КъМР-де Управлениясыны къуллукъчулары, ич ишле органланы келечилери бла бирге наркотиклени законсуз сатыу-алыугъа къажау мадарланы толтургъан кезиуде Нарткъаладан эки инсанны аманлыкъчы ишлерин тыйгъандыла.

Кёп болмай Москвада РФ-ни Студент лигасыны аскер къол тюйюшден Кубогу ючюн эришиу ётгенди. Анга къатышып, жетишимли болгъанладан бири бабугентчи Каркаланы Омарды.

Бизни бюгюнлюкде Москвада жашагъан фахмулу, ахшы билим алгъан жаш адамларыбыз асламдыла. Джаппуланы Юсуф да аланы санындады. Аны жыр айтыргъа, назму жазаргъа да хунери барды. Назмуларын «Наша молодёжь»  битеуроссей журналны редактору Пётр Алёшкин жаратып, изданияларында басмалайды. 

Къаллай бир къууанч барды суратдагъы адамланы бетлеринде. Кёп жылладан бери журтларына термилип тургъанла бюгюн юйлерине тебирегендиле. Къолларындагъы къызыл байракъла уа урунууда болдургъан ахшы жетишимлери ючюн берилгендиле.

Миллетибизни фахмулу жаш адамларыны юслеринден ёхтемленип жазабыз. Бюгюн да Москвада Граждан авиацияны ара клиникалы больницасыны нейрохирургу Малкъарланы Сагъытны жашы Мурат бизни къонагъыбызды. Ол окъууун бошап, эки жылны Нальчикде ишлеп, ординатураны бла аспирантураны ара шахарыбызда ётгенди. Мурат медицина илмуланы кандидаты, бийик категориялы врачды. Атасыны усталыгъын сайларгъа таукел болгъан юч жашны бла сёлеширге энди юйрене тургъан къызчыкъны ёсдюреди. Аны бла ишини, башха сейирлерини юсюнден ушакъ этгенбиз.

Сайлагъан усталыкълары бла жамауатдан ыразылыкъ табып ишлеген врачларыбыз асламдыла, къудуретни ахшылыгъындан. Аллайларыбыздан бириди республикалы клиника больницаны анестезиология бёлюмюню анестезиологу-реаниматологу Жашыуланы Лиза да. Ишине уллу кёллю болмай, ауругъанлагъа эс тапдырып келгенли уа жыйырма беш жылдан атлагъанды.

Къабарты-Малкъарны табийгъаты, хауасы, болмагъанча аллай тамашалы тау тийрелери - аны эм уллу байлыгъыды. Ала, тарых эмда маданият жаны бла туризм хазнала ючюн бери кёпле тартынадыла, сюйюп келедиле, солуйдула. Эм белгили - Минги тауду. Дагъыда Чегем чучхурланы, Чирик кёллени, башха ариу жерлерибизни да сагъыныргъа тийишлиди.

КЪАБАРТЫ-МАЛКЪАР РЕСПУБЛИКАНЫ ПРАВИТЕЛЬСТВОСУНУ

Б Е Г И М И

15 марта 2024 г.                             №45-ПП

г. Нальчик