|
|
Все статьи
22 февраля, 2022 - 16:27
Коронавирус жукъгъанланы саны тюше башлагъанына ушайды. Сёзге, 15 февральда ол 515 адамда ачыкъланнган эди – ол а арт айлада эм уллу кёрюмдюдю. 21 февральда уа ауругъанла азайып, бир кюннге вирус 493 инсанда табылгъанды. Ауруудан сау болуп, юйлерине 257 адам ашырылгъанды.
22 февраля, 2022 - 16:24
Жашауну барыуу, айныуу, анга жангы затланы сингдириу къайсы миллетни да харкюнлюк турмушун алгъадан башха жолгъа саладыла, аны оюмун, кёз къарамын кеслерине тапха бурадыла. Былайда хар зат да инсанны кесини къолундады дерге да боллукъду
22 февраля, 2022 - 15:21
Хирург Кючменланы Мустафа Нальчикде 1-чи номерли шахар клиника больницада ишлейди. Ол оюм этгеннге кёре, план бла этилген операцияла, сёзсюз, тынчдыла, къыйын ауруп келтирилген саусузлагъа операция этерден алгъа уа, битеу кючюнгю, акъылынгы, къарыуунгу да анга берип, не къадар эс бурууну излейдиле.
22 февраля, 2022 - 10:59
Быйылгъы жылдан тебиреп РФ-ни Правительствосуну бегимине тийишлиликде, кеслери алларына иш къуранла эсепде болгъан энчи иеликде жюрюген мюлкле, къыралны жанындан болушлукъ аллыкъдыла.
Россельхозбанкны Къабарты-Малкъар бёлюмюню таматасы Алим Сокуров законда болгъан тюрлениулени эм ол болушлукъну кимле алыргъа боллукъларыны юсюнден, биз берген соруулагъа жууапла бергенди.
- Алим Олегович, жангыдан чыкъгъан законну магъанасы неди, къыралны не мураты барды ол жаны бла?
21 февраля, 2022 - 21:17
Къабарты-Малкъар Республиканы Башчысы Казбек Коков КъМР-ни саулукъ сакълау министри Рустам Калибатов эм Элбрус муниципал районну Ара район больницасыны тамата врачы Тилланы Хабибуллах бла ишчи тюбешиу къурагъанды. Аны чегинде республиканы саулукъ сакълаууну биринчи звеносуну жангыртыуну, Элбрус районну саулукъ сакълау системасын айнытыуну юсюнден сёлешиннгенди.
21 февраля, 2022 - 21:14
КъМР-ни Башчысы Казбек Коков Нальчикде 1-чи номерли сабий поликлиниканы жангыртыу къалай баргъанына къарагъанды.
21 февраля, 2022 - 21:09
Къабарты-Малкъарда Оператив штабны оноууна кёре, коронавирус инфекция жайылгъаны бла байламлы ал кезиуледе кийирилген чеклени бир къаууму кетериледи.
Къабыл этилген документге кёре, акъылбалыкъ болгъан инсанланы, аланы антителаларын кёргюзтген ковид-сертификатлары бар эсе, жамауат аслам жюрюген ашханалагъа, маданият юйлеге, юй къурагъанда инсан болумланы юсюнден жазыу этген мекямлагъа, кинотеатрлагъа, спорт заллагъа, боссейинлеге, къонакъ юйлеге, чачны къыркъдыргъан жерлеге, сауналагъа жиберликдиле.
21 февраля, 2022 - 16:30
Алгъын заманлада устазланы атлары бютюнда уллу сый, намыс бла айтылгъанын тамата тёлю иги биледи. Бусагъатда да ол усталыкъны сайлагъан адам сабийлени сюйген, кёп билген болгъаны себепли, аны намысы-сыйы да бийикдеди.
21 февраля, 2022 - 14:55
Айшатха, эри ёлгенден сора, Артурну кесинлей ёсдюрюрге тюшдю. Элде энди мал туталмазлыгъын ангылап, ийнегин, къойларын да сатды. Аны битеу жарыкъ умутлары жашчыгъы бла байламлы эдиле
21 февраля, 2022 - 14:53
Журналистни сейир тюбешиулери
2013 жылны сентябрь айыны ахыр кюнлеринде бизде «Кавказгъа мамырлыкъ» деген искусстволаны усталарыны ХVI Халкъла аралы фестивалы бардырыла эди. Анга Шимал Кавказ республикаланы кёп жыр эм тепсеу коллективлери жыйышхан эдиле. Бу байрамгъа Василий Семёнович Лановой да келгенди.
21 февраля, 2022 - 13:28
Заман оза баргъаны бла адамланы жашаулары, кёз къарамлары да тюрленеди. Бир кезиуде магъаналы адет, артдагъы болумлагъа келишмегенлейин, унутулады. Башхасын жамауат сакъларгъа кюрешеди.
21 февраля, 2022 - 13:10
Быйыл Къабарты-Малкъарда «Гитче эм орта предпринимательство эм энчи предприниматель башламчылыкъгъа болушлукъ тапдырыу» миллет проектге кёре, фермерле бла эл мюлк кооперациягъа танг болушлукъ этилликди
20 февраля, 2022 - 12:20
КъМР-ни Жарыкъландырыу, илму эмда жаш тёлюню ишлери жаны бла министерствосундан билдиргенлерича, быйыл республикада 160-дан аслам жаш адам «WorldSkills Russia -2022» чемпионатны республикалы кесегине къатышырыкъдыла. Эришиуле жыл санларына кёре юч категорияда 26 усталыкъда ётерикдиле. Быйыл прогрммагъа энтта да юч жангы компетенция къошулгъанды – «Гитче классланы устазы», «Школгъа дери билим бериу учрежденияны юйретиучюсю» эм «Агъач мюлк бла байламлы инженерия».
20 февраля, 2022 - 09:10
ЮНЕСКО 1999 жылда бардыргъан конференцияны кезиуюнде 21 февральда Ана тиллени халкъла аралы кюнюн белгилерге деп тохташдырылгъан эди. Андан бери жыл сайын дунияны жер-жерлеринде жашагъан миллетле сагъынылгъан датада байрамла, къууанчлы тюбешиуле къурайдыла.
Тарых шартлагъа таянып айтханда уа, 21 февраль быллай магъаналы кюнню белгилер ючюн бошдан сайланмагъанды. 1952 жылда Бангладешде студентле ана тиллери – бенгалини – къырал тилледен бирине саналырын излеп, демонстрациягъа чыкъгъан эдиле.
19 февраля, 2022 - 18:27
Быйыл бузну кесип, суугъа бир кирип чыгъайым дегенлей, бир тиширыу бла эр киши ёлгендиле. Аланы буз тюбюнде терк баргъан черек элтип кетгенди.Сора биягъы битеу Россейде башландыла даулашла: сууукъ сууда жуууннган хайырлымыды, хаталымыды? Халкъда «моржла» деген адамла не хыйсапдан сайлайдыла къыш череклени? Аны юсюнден биз энчи иели «Ваш доктор» деген медицина араны врач-терапевти Холамханланы Халимат бла ушакъ этгенбиз.
19 февраля, 2022 - 10:47
Уяналаны Батталны жашы Чомай жашагъан эм ишлеген къадарында ёз халкъына алжаусуз къуллукъ этгенлей, аны келир заманы ючюн къайгъыргъанлай тургъанды. Ол урунуу жолун Къашхатауда устаз болуп башлагъанды. Белгили журналист Къулбайланы Алий, Чомай аны да окъутханын да айтып, былай эсгергенди: «Элде школгъа жюрюмеген сабий къалмасын деп, аны ючюн бек къайгъыргъанды. Бир эллилери билимли, адепли да болурларын сюйгенди. Аны себепли школ библиотекада кёп китап жыйышдырыуну мадарларын да этгенди.
18 февраля, 2022 - 17:13
Москвагъа иш бла барыуну чегинде Казбек Коков жеринден тепдирилмеген ырысхы эм активле бла ишлеу проектлеге управление этген бёлюмню таматасы, «ВЭБ.РФ» айныуну къырал корпорациясыны правленини келечиси Александр Тарабрин бла тюбешгенди.
18 февраля, 2022 - 16:47
23 февраль Ата журтубуз ючюн жанларын аямагъанланы, бюгюнлюкде да мамырлыкъны сакълагъанланы байрамыды. Былтыр а Уллу Ата журт урушда ёлген жерлешлерибизни атларын ёмюрлюк этген магъаналы иш болгъанды.
18 февраля, 2022 - 15:44
Малкъар халкъны башхаладан бек биринчи айырмалыгъы, баям, аны суратлау сёзге усталыгъыды. Къалыубаладан бери келген жомакъларыбыз, таурухларыбыз, кюйлерибиз, ийнарларыбыз анга шагъатлыкъ излетмейдиле.
Страницы
|
