|
Все статьи
15 февраля, 2022 - 12:27
КъМР-ни Башчысы Казбек Коков Нальчикни жолларында бардырыла тургъан тёрт уллу къурулуш объектге къарагъанды, ала шахарны транспорт жаны бла магъаналы ызларына саналадыла. «Къоркъуусузлу качестволу жолла» миллет проектни чеклеринде уллу комплексли ишле Кабардинская орамда, Шогенцуков, Ленина, Кулиева атлы проспектледе брдырыллыкъдыла.
15 февраля, 2022 - 11:23
КъМР-ни Башчысы Казбек Коков РФ-ни Юстиция министерствосуну КъМР-де Управлениясыны таматасыны къуллугъун толтургъан Къужонланы Жантемир бла ишчи тюбешиу бардыргъанды.
15 февраля, 2022 - 11:10
Къабарты-Малкъарны Башчысы республиканы промышленность, энергетика эм сатыу-алыу министри Шамиль Ахубеков бла тюбешгенди.
Тюбешиуню кезиуюнде промышленность комплексде болум сюзюлгенди, мындан арысында аны айнытыу жолларына, инвестиция проектле жашауда къалай бардылгъанларына, федерал министерствола, сатыу-алыу ишлени жюрютген институтла эм Россей Федерацияны алчы къырал компаниялары бла байламлыкъла къалай жюрютюлгенлерине къаралгъандыла, деп билдиргендиле КъМР-ни Башчысыны бла Правительствосуну пресс-службасындан.
15 февраля, 2022 - 09:04
Полициячыла «Юй болум» деген акцияны юйюр халла бла байламлы аманлыкъланы тохтатыр, къыйын жашау болумгъа тюшген юйюрле бла ангылатыу ишни бардырыр мурат бла къурагъандыла
15 февраля, 2022 - 09:04
Кёп болмай Регионнга оноу этиу жаны бла арасында (ЦУР) Терк муниципал районну администрациясыны башчысы Муаед Дадов бла тюзюнлей эфир болгъанды
15 февраля, 2022 - 08:19
Иги кесек замандан бери тишим, аурургъа хазырлана, сууукъ, исси тийсе да, белги бере башлады. Алай эте да, сынтыл бола, мен да ауругъаны тохтаса, тынчайып къалып, врачха бармай иги кесек заманны мычыдым
14 февраля, 2022 - 16:25
Иш бла жалчытхан Арада эсепге турургъа сюйген гражданла заявленияны электрон халда берирге боллукъдула. МФЦ-да айтханларына кёре, аны «Госуслуги» (www.gosuslugi.ru) порталда неда «Россейде иш» (www.trudvsem.ru) деген платформада тамамларгъа амал барды. Анкетаны толтургъанда резюме да жазаргъа тюшерикди.
14 февраля, 2022 - 15:51
Тырныауузну 6-чы номерли школуну кадет классыны курсантлары жолда жюрюуню къоркъуусузлугъуну инспекторларыны къуллукъларын сынап кёргендиле.
14 февраля, 2022 - 15:32
Бизни республикада тахта кёгетчилик бла кюрешгенле алыучуланы сейирлерине эс бурмай къоймайдыла. Ансыз да болмайды, нек дегенде къайсы ишдеча, мында да алыучу кёбюрек сурагъан затланы ёсдюрюу эмда чыгъарыу эм башына салынады.
14 февраля, 2022 - 15:25
Роспотребнадзорну Къабарты-Малкъарда управлениясында былтыргъы ишлерини эсеплерин чыгъаргъандыла. Ведомстводан билдиргенлерине кёре, ол кезиуде гражданла ары 403 кере сёлешгендиле эмда жазгъандыла
14 февраля, 2022 - 15:19
Кёп болмай Къабарты-Малкъар къырал университетни келечилери, усталыкъ сайлау эм иш бла жалчытыу управленияны таматсы Ратмир Коцев, экономика эм финансла кафедрасыны доцентлери Залина Гергова бла Лорина Асланова Россейни Банкыны республикада бёлюмю бардыргъан «тёгерек столгъа» къатышхандыла.
14 февраля, 2022 - 13:26
Бюгюнлюкде экология бла байламлы соруулагъа аслам эс бурула башлагъанды. Табийгъат къыйын болумладан сакъланыу, аланы болдурмау бла бизни республикада «Бийик тау геофизика институт» федерал къырал бюджет учреждение кюрешеди.
14 февраля, 2022 - 13:20
Былтыр Бахсан район эл мюлк бёлюмде жетишимлери бла айырмалы болгъанды. Саулай болумуну юсюнден кёп болмай баргъан муниципал кенгешде, эл мюлк, сатыу-алыу эмда жер байламлыкъла жаны бла управленияны таматасы Хамидби Каскулов доклад этгенди.
14 февраля, 2022 - 13:03
Бир жол редакцияны жумушу бла Элбрус районнга барама. Шауаланы Исмайылны къызы Аминат бла да анда танышхан эдим. Ол шахар школда сабийлени черчениядан эмда сурат ишлеу искусствогъа юйрете эди. Бу кюнледе уа биз биягъы тюбешгенбиз.
14 февраля, 2022 - 09:05
Россейде пандемияны кезиуюнде электрон амал бла тёлерге сюйгенлени санына танг къошулгъанды. Аны бла байламлы къысха заманны ичинде жамауатха, бизнесге, къыралгъа да дистанция амалгъа юйренирге тюшгенди.
14 февраля, 2022 - 08:19
Къабарты-Малкъарны Эл мюлк министерствосундан билдиргенлерича, жаз башыны аллында терек бахчалыкълада кезиулю ишле къыстау барадыла. Тереклени керексиз бутакълары бла чырпыларын кетериу а баш жумушладан бириди.
13 февраля, 2022 - 10:21
КъМР-ни Парламентини спикерини орунбасары Мурат Кардановну башчылыгъында халкъны саулугъун сакълауну соруулары, коронавирус жугъуп, сау болгъанланы реабилациялары жаны бла миллет проектлени жашауда бардыргъанда ведомствола аралы байламлыкъланы кючлеу жаны бла ишчи къауумуну жыйылыуун бардырылгъанды.
13 февраля, 2022 - 10:03
Биринчи кере биринчи классха келген кюню хар кимни да эсинде болур. Тёгерек омакъ кийиннген сабийледен толу, кёп гюлле, дауур- жабы. Сен танымагъан бир адам, ананг тутуп тургъан къолунгу кесини къолуна къысып, алып кетеди. Биринчи устазынг. Жаланда къолунга угъай, гитче жюрегинге жылыу, ырахатлыкъ салгъан, сени алгъа атлагъан жолунга себеплик этген адам.
13 февраля, 2022 - 09:25
Хаджилаланы Хусейни къызы Алтууланы Зояны, булбул ауазлы къарачай къызны, малкъар келинни аты малкъар халкъны сюргюнде баш кётюрген заманында айтылып башлагъанды. Аны артыкъ сюйгенибиз сейир тюйюлдю – учузлукъ сынатхан онюч къыйын жылдан сора къарачай-малкъар жырланы жангыртханладан бири эди Зоя. Аны «Пароходла», «Акъ баппуш», «Сени атынгы айта турама» деген жырлары бюгюн да кёплени эслериндедиле. Тамата тёлю жырчы къызгъа ыразылыгъын дайым айтханлай турады.
12 февраля, 2022 - 09:18
Белгилисича, Къыш Олимпиада Оюнлагъа къатышхан спортчуларыбызгъа болушлукъгъа деп къуралгъан акция саулай къыралда бардырылады. «Эльбрусоид» фонд да андан бир жанында къалмагъанды. Ол Элбрус районну администрациясыны эм Элбрус излеу-къутхарыу бёлюмню болушлукълары бла тюнене Европада бек бийик Минги тауну этегинде флешмоб ётдюргенди.
Страницы
|