|
|
Все статьи
24 января, 2023 - 09:05
Халкъда къаллай оюм жюрюйдю: бир кесек аракъы ичсем, жылынырыкъма. Алай ол жалгъан хапарды. Сууукъ кезиуде ичги затла адамны саулугъуна къаллай заран салгъанларын КъМР-ни Наркология диспансерини 3-чю бёлюмюню башчысы, врач-нарколог Оксана Бозиева ангылатады:
24 января, 2023 - 09:00
РФ-ни СК-сыны КъМР-де следствие управлениясыны башчысыны орунбасары Бабаланы Алим инсанла бла тюбешип, аланы тилеклерине бла тарыгъыуларына тынгылагъанды. Битеу да бирге приёмгъа 12 инсан келгенди, деп билдиргендиле бизге ведомстводан.
24 января, 2023 - 08:10
Бусагъатда наркотикле бек кенг жайылгъандыла, битей ата-анала да сакъ болургъа керекдиле. Бир талай жыл мындан алгъа школлада наркопостла ачылгъан эдиле. Алай ала «Лирика», «Залдиар», «Трамал» бла хайырланнган сабийлени хазна ачыкълаялмайдыла. Ата-анала да алыкъа школда окъуй тургъан сабийлерини къылыкълары тюрленнгенин эслеселе окъуна, наркологга барыргъа ашыкъмайдыла.
24 января, 2023 - 08:10
Бирде камис болуп келген эдиле,
Анда ГЭС ишлерге деген эдиле...
Андан биреу мени элтди юйюне,
Элтип, тюртдю мени жангы кюйюме:
Къууанмады бийче манга, киргенлей,
Тюз да мени сыфатымы кёргенлей,
Хахай этди, къычырыкъгъа къалдырды,
Чыгъа тургъан жанымы да алдырды:
23 января, 2023 - 14:38
Таулу халкъ бир заманда да жырсыз болмагъанды. Ач къалгъан, кеч къалгъан кюнлеринде да – угъай. Бурун заманладан бери жыр бизни халкъыбызны жашау кюйю болгъанлай, аны къууанчлы, жарсыулу кюнлерини да сыр сазы болгъанлай келгенди. Ол аны тарых борасыды – къартдан жашха ёте келген хыйласыз ауазы. Кертиси бла да жыр, жолоучугъа жол нёгерлик эте, эки сюйгенни араларында келечилик жюрюте, къыйын сагъатда иги къууум этдире, таукелликге, иш кёллюлюкге, жигитликге да чакъыра келгенди.
23 января, 2023 - 14:08
Къыралыбызны, ол угъай, жашагъан жерибизни айбат, сейир жерлерин билебизми? Баям, угъай. Болсада «Туризм» миллет проект а Россейде къонакъбайлыкъны айнытыугъа бурулупду. Аны чеклеринде инсанла субсидияла алыргъа эркиндиле.
23 января, 2023 - 14:02
Къабарты-Малкъардан кеслерини аскер борчларын толтурургъа 200-ден артыкъ жаш адам Миллет гвардияны къауумуна къошулгъандыла.
23 января, 2023 - 13:53
Мусукаланы Сакинатны «Темир терек» деген поэмасы кёчгюнчюлюк азабын сынагъан адамны сагъышларындан къуралады. Аны баш жигити Къызтуума, ол къыйын сынауда ахлуларын тас этип, ёксюз сабийле тургъан юйге тюшеди. Жаланда бир къаршы адамы къалгъанды аны – къарындашы Байрамукъ. Ол табады эгечин. Ол юйюрню, энчи тиширыуну, кёрген къыйынлыкълары тарыхыбызны ол ачы бетине жангы суратла къошадыла.
23 января, 2023 - 13:50
Къабарты-Малкъарны Къырал автоинспекциясыны къуллукъчулары сабийлеге машинада къоркъуусузлукъну жорукълары бла тийишлиликде кесин къалай жюрютюрге керек болгъанын ангылатхандыла. Дерсге Нальчикни 72 номерли сабий садыны келечилери къатышхандыла.
23 января, 2023 - 13:00
Кужонланы Таукъанны жашы Жанболат, Долинскде жангы ачылгъан институтда жаякъ сюек-бет хирургия бёлюмде ишегенден сора да, КъМКъУ-ну медицина факультетинде дерсле береди. Урунуу жолуну биринчи кюнлеринден окъуна кёрген затларын тинтип, илму ишин да жаякъ сюекни хирургиясына жоралагъанды. Жаш, медицина илмуланы доктору, профессор Мустафаланы Магометни къолунда юйрене, жетишимле болдура келеди. Бюгюн ол бизни ушакъ нёгерибизди.
23 января, 2023 - 12:37
Жангы жылны солуу кюнлеринде Нальчикни Совет Союзну жигити Н.Г.Калюжныйни атын жюрютген 7 номерли школуну кадет классларындан МВД-ны Краснодарда орналгъан университетинде болгъандыла.
23 января, 2023 - 09:35
Электрокюч ючюн борч этип тургъан инсанлагъа «Каббалкэнерго» компания былтыр онжети минг билдириу жибергенди. Аны сансыз этгенлени юйлерине баргъан токну кесерге керек эдиле.
Аллай къагъыт къоллу болгъанладан онбеш минг абонент, ишни анга жетдирмезча, тёлеулерин толусунлай берип къутулгъандыла. Къалгъан эки мингни уа фатарлары электрокючсюз къалгъандыла, деп билдиргендиле компанияны пресс-службасындан.
23 января, 2023 - 09:00
Йодну къалай хайырланыргъа керекди
Кесекледен сакъланыр ючюн йод тургъан шешачыкъны башын ачып, аны хауасын бурун тешиклеринг бла ичинге тартыргъа керекди. Неда йодну эки чай къашыкъчыкъ бла бирин къайнагъан суугъа къошуп, аны буруннга тамызса да жарайды. Къаты жётел этген заманда, ингирде жатардан алгъа, кёкюрекге йодну жакъса иги болады.
23 января, 2023 - 08:10
«Къоркъуусузлу тынгылы жолла» деген миллет проектни чеклеринде бизни республикада жаланда жолланы угъай, кёпюрлени, путепроводланы да жангыртадыла. Алай бла быйыл эки жерде мадар этилликди. Биринчиси Прохладна – Элбрус автомашина жолда орналгъан кёпюр эмда путепровод. Ала Басхан шахардан Дыгулыбгей эл таба жетерге онг бередиле. Дагъыда Заюковода район больницагъа баргъан жолда кёпюрню жангыртырыкъдыла. Ол Заюково – Туфкарьер – Дыгамухо жолдады. Быйыл энтта да Майский-Заречный-Ново-Ивановское жолда эмда Огъары Малкъар – Мухол жолда кёпюрлеге тынгылы ремонт этилликди.
22 января, 2023 - 12:00
Тёбен Чегемни орта школуну окъуучулары бла устазлары жангы окъуу жылларын жарыкъ эмда жылы класслада башлагъан эдиле. Шёндюгюлю окъуу юйлени излемлерине келишген объект энди кёзню къууандырады, сабийлени дерслеге сюйюп жюрюулерине себеплик этеди десем, ётюрюк болмаз.
22 января, 2023 - 09:05
Жууукъ заманда Вольный Ауулда Будай улу атлы орамда 34 мингден аслам адамгъа къарагъан поликлиника, жангыртылып, бюгюннгю излемлеге келиширча боллукъду.
22 января, 2023 - 08:10
Мариямны эрттеден таныйма. Экибиз да бир эллилебиз, бир орамда, бир черекни боюнунда ёсгенбиз, бир кезлеуню сууун ичгенбиз. Къабыргъа къоншула эдик, ожакъларыбызны тютюнлери бирге къошула жашагъанбыз.
Жаз башында чакъгъан гюлге ушай эди. Ариучукъ, жарыкъчыкъ, нюрю тёгюле тургъан мёлекчик. Аны кёргенле: «Я рабий, муну бетинде, санында бир шарайып табаргъа боллукъмуду»,-деп айта эдиле. Ариу Мариям демей, атын да сагъынмагъандыла. Юй жумушда уа тенглеринде анга жетген болмаз эди. Элде кёп анала аны келин этерге сюйгендиле.
21 января, 2023 - 15:55
КъМР-ни халкъ артисткасы Байзуллаланы Хусейни къызы Роза малкъар къараучулагъа угъай да, битеу тюрк дуниягъа да белгили актрисады.
21 января, 2023 - 12:00
Бюгюн хапарын айтырыкъ юйюр башхалагъа да ушайды, алай айырмалылыгъы да кёпдю.
21 января, 2023 - 08:10
Республиканы Жаш тёлюню ишлери жаны бла министерствосуну эмда КъМР-ни прокуратурасыны себепликлери бла «Российская газетаны» аскер сурат алыучу корреспонденти Владимир Аносовну «Донбасс-2022» деген кёрмючю къуралгъанды. Ол 28 январьгъа дери ишлерикди эмда Тырныауузда Къулийланы Къайсын атлы Маданият юйде бла Майскийде тарых-краеведение музейде кёргюзтюллюкдю.
Страницы
|
