Къабарты-Малкъар Республиканы Башчысы

Къабарты-Малкъар Республиканы Башчысы К.В. Коковну Республиканы кюню бла
АЛГЪЫШЛАУУ

Хурметли жерлешле! Битеу жюрегимден сизни Къабарты-Малкъарны Къыраллыгъыны кюню бла алгъышлайма.
Къабарты-Малкъарны жангы Конституциясы къабыл кёрюлген кюнде, 1997 жылда 1 сентябрьде, къуралгъан бу байрам республиканы экономикада, социал жашауда эмда маданият айныуда жарыкъ жетишимлери болгъан тарыхлы жолун белгилейди.

Къабарты-Малкъарны тохташыуу Россейни къадары бла къаты байламлыкъдады. Бюгюн да, озгъан жыллагъа къарай, биз Россей къырал бла бирликни сайлагъан ата-бабаларыбызны тюз оноуларына, акъыллылыкъларына ыспас этебиз.

Аллай кезиуледе бирликни, ышаныулукъну, тёлюлени байламлыкъларын ёсдюрюуню, туугъан жеринги тарыхын багъалауну, ёмюрле бла къуралгъан шуёхлукъ бла къарындашлыкъ тёрелени айныуларыны, инсанлыкъ эмда патриот сезимлени къыйматлыкъларыны, къыралны бла республиканы аллында жууаплылыкъны магъанлылыкъларын бютюн ангылайбыз.

Бюгюнлюкде жангы чакъырыуланы болумларында ол сезимле бла къыйматла жамауатыбызны андан да бек бирикдиредиле, мындан ары ышаныулу атларгъа тынгылы мурдор боладыла.

Биз келлик заманнга таукеллик бла къарайбыз. Заманны къыйынлыгъына да къарамагъанлай, республика тийишли айныуну юлгюлерин кёргюзтеди.

Ата журтха сюймеклик, иш кёллюлюк, кесибизге ышаныулукъ бизни кючлю этедиле, къыйын борчланы тамамларгъа болушадыла.

Анга жарыкъ юлгю – энчи аскер операция бардырылгъан тийреледе аскер борчларын тийишлисича тындыргъан жерлешлерибиз, ала Россейни сейирлерин, келлик тёлюлени къоркъуусузлукъларын кеслерин аямагъанлай къоруулайдыла. Жигитлерибизни ёсдюрген, юйретген ата-аналаны аллында баш урабыз.

Бирлигибизни бла биригиулюгюбюзню сакълай эмда кючлей, бирлешип уруна, биз ёз Къабарты-Малкъарны бла Ата журтубузну игилигине деп салгъан борчларыбызгъа жеталлыгъыбызгъа толу ийнанама.

Битеу жюрегимден республиканы халкъына саулукъ-эсенлик, огъурлулукъ тежейме.