Юйдегисинден айырылгъан эсе да, эркин этмегенди

КъМР-ни прокуратурасы   РФ-ни УК-сыны 137-чи статьясыны 1-чи кесегине эмда 138-чи статьясыны 1-чи кесегине кёре ачылгъан уголовный ишни къабыл кёрюп, аны сюдню къараууна ашыргъанды. Республиканы инсаны адамны жашауу бла байламлы жашырын шартланы законсуз жыйгъаны, башхалагъа белгили этгени эмда экеу бир бирине жазгъан жашырынлыкъны низамын бузгъаны ючюн жууапха тартыллыкъды.

Тинтиуле ачыкълагъанларыча, терсленнген юй бийчеси бла айырылгъанлыкъгъа, анга кёл къалды болгъанды. Бир жол ол аны танышыны машинасындан тюшгенин кёргенди. Сора  эр кишини алдап,  телефонун алгъанды эмда алгъыннгы юй бийчесине жазгъанларын табып, аланы видеогъа алдыргъанды. Ызы бла аладан суратла этип,   интернетде танышларына ашыргъанды. Алай бла ол инсанла бир бирлерине жашырын жазгъан шартланы ачыкъ этгенди.

Законлагъа тийишлиликде, быллай аманлыкъ этгенни  эркинлиги 2 жылгъа дери сыйырылыргъа боллукъду.